BOLETÍN DA REAL ACADEMIA GALEGA
Traballos de investigación e estudo
tura política, porque así «os do noso Cristo van adiantando» (296). Do mesmo modo, a «guerra de empreos» e a desunión entre os liberais fan aumentar as filas dos realistas, do «reximento da fee» (319). Calacú, entretanto, fronte aos argumentos de Fariña, vaise desdebuxando e perdendo protagonismo, e concedendo á «poléteca»14 a xustificación de todos os actos: por política están fóra do goberno os revolucionarios de Isla de León, e tamén estes, «aunque co seu brazo de ferro podian tirar co goberno, por poleteca nono fan» (292293). Calacú e a súa «poléteca» parecen representar a tendencia moderada. Nos parlamentos 4042 abórdase o problema dos «sitios reales», co que se alude con toda probabilidade ao control de Fernando VII, que era, evidentemente, o principal obstáculo para a supervivencia constitucional e, por tanto, a cuestión na que o goberno «debe ter máis poléteca» (329330). Nos parlamentos 4345 introdúcese o tema de América. Fariña considera que unha parte da «poléteca» que defende Calacú se perdeu en América15 e vaticina que a outra se perderá en España, co que parece aludir á que a política ?é dicir, a actuación do partido moderado? dará cabo ao período liberal. Unha vez máis, Fariña celebra os desastres políticos, «o que queremos os dos escapularios (...) que sigades dandonos a mesma poleteca que déstedes ás Amerecas» (343346). Remata o parlamento cunha estrofa antiliberal, adaptación dunha cántiga popular16, probablemente coñecida entre as partidas realistas e os seus adeptos:
Arriva meu pau das tundas, / abaixo meu pau tundeiro, / que logo veremos os libres / rebillar no colgadeiro (348351).
No parlamento 46 Calacú volve ao seu argumento ?defensa da política e da constitución? e no parlamento final expresa a esperanza de converter á súa causa o seu contrincante, e mesmo facelo miliciano. Pola súa banda, Fariña confesa non coñecer a constitución «porque os nosos curas dicen que é pecado leela» (360361)17, e conclúe a súa derradeira intervención cunha copla coa que alomenos parece admitir, con reservas, a bondade da Constitución, condenando aos seus representantes: «Aunque a gaita sea boa, / si o gaitero é malo, / tocala ben, malo malo». En conclusión, a Parola poléteca forma parte da publicística exaltada que xorde despois das eleccións de outubro de 1822 e que ten como obxectivo desacreditar a política moderada. Calacú representa a tendencia do liberalismo moderado, que trata de resolver «politicamente» os múltiples problemas do momento. Fariña, realista acérrimo, observa que a política moderada que se está levando a cabo é a mellor aliada do absolutismo (cf. as palabras de Moreno de Guerra, n. 12), en canto que coa súa actuación non fai máis ca sumar adeptos a esta causa; en contrapartida, deixa ver como as propostas exaltadas, de se levaren a cabo, conducirían á conservación do liberalismo. O servil Fariña, defensor como tal do retorno ao absolutismo, mostra con argumentos sólidos as
Nº 367 146