MANUEL MURGUÍA
331
12. CREACIÓN DO PREMIO P. SARMIENTO DE MICROTOPONIMIA
BASES
Galicia ten unha farturenta riqueza onomástica, cifrada en varios millóns de microtopónimos (nomes de montes, vales, leiras, fontes, agros, puntas, cabos, etc.), que non ten comparanza en España, como consecuencia da dispersión da poboación e do minifundio. Cada topónimo fornece informacións non só sobre a realidade actual, senón sobre a pasada: cultivos, flora, fauna, construccións que alí houbo en tempos e xa non hai, acontecementos que alí tiveron lugar e dos que só queda como vestixio un microtopónimo. Todo este caudal documental, que está escrito na memoria dos habitantes das case 3.800 parroquias de Galicia, corre hoxe perigo de desaparición como consecuencia da crise da agricultura, que deixa campos ermos, ós que os propios donos lles van esquecendo o nome, e tamén como consecuencia da Concentración Parcelaria e outras obras públicas. A iso debémoslle sumalos 1.195 kms. de costa, todos eles inzados de toponimia sen recoller. A Real Academia Galega, seguindo o exemplo do ilustre bieito Frei Martín Sarmiento, que tanto traballou por recollelo noso léxico, crea o I Premio P. Sarmiento de Investigación da Microtoponimia de Galicia, coa idea de poñer en marcha a colaboración de tódolos galegos na recuperación da enorme riqueza cultural que representan os topónimos menores de Galicia, coas seguintes bases. 1. O primeiro premio será de 1.000.000 pts. e maila edición do traballo entre as publicacións da Academia. 2. Haberá un segundo premio de 500.000 pts., que poderá saír publicado se o Xurado así o recomendar. 3. Poderanse presentar persoas ou grupos de persoas, grupos de estudiantes dirixidos por un ou varios profesores, Asociacións Culturais, etc. 4. Os participantes deberán presentalos seguintes datos: 4.1.1. Unha relación de tódolos microtopónimos dun Concello de Galicia, ordenados alfabeticamente e coas seguintes informacións: topónimo (con indicacións gramaticais), descrición topográfica (costa, val, leir a , c a s a , f o n t e , c a m i ñ o , m o n t e , r e g u e i r o o u o u t r o a c c i d e n t e x e o g r á f i c o) e agronómica (cultivo ou inexistencia del), significado e explicacións complementarias que permitan comprendelo mellor (tradicións vencelladas a ese lugar, etimoloxías populares, etc.) 4.1.2. Formarán parte do elenco de topónimos as denominacións populares das casas sempre que teñan un nome específico (Casa da Naveira, Casa de Lopo), con indicación de se ese antropónimo corresponde ou non ós dos actuais usuarios da casa. 4.2. No caso de que a información que os investigadores reciban dos informantes sexa composta, coma tal: O Prado do Freixo de Félez, onde primeiro se indica a natureza ou dedicación do terreo (p r a d o), despois o topónimo (O Freixo), e despois o propietario (Félez), deberán alfabetizarse polo topónimo e, noutro elenco á parte, figurará alfabetizada polo nome do posesor (como se di na base 4.4.) 4.3. O número de microtopónimos non debe ser inferior a mil. Se algún Concello moi pequeno non der esa cifra, os mil topónimos deberán acadarse incluíndo a recolleita exhaustiva dalgunha parroquia dun Concello estremeiro, sempre e cando se acredite documentalmente que esoutra parroquia, ou parroquias, quedan exhaustivamente estudiadas. Se un Concello superar con moito esa cifra, deberá redondearse pero sempre de forma que queden recollidas e estudiadas parroquias completas e se indique cales outras quedan sen estudiar. 4.4. Ademais do esencial do traballo no que figura o topónimo definido e comentado, conforme ó dito nas bases 4.1., 4.2. e 4.3., deberanse presentar tres índices dos microtopónimos: 4.4.1 índice no que figuren agrupados por parroquias; 4.4.2 índice, no que figuren agrupados tematicamente nalgunha destas oito categorías: edificios e outras construccións (c r u c e i r o , p o z o , etc.), fauna, flora, laboreo, hidronimia, oronimia, antroponimia e outros; 4.4.3 índice, no que figuren agrupados polos nomes dos posesores (aqueles que teñan esa indicación). 4.5. Cada topónimo deberá elencarse coa forma dialectal que hoxe se usa e, a ser posible, cunha transcrición fonética. Non se deberá, polo tanto, normativizar topónimo ningún, aínda que o resto do traballo debe realizarse en galego conforme ás Normas vixentes, aprobadas por esta Academia. 4.6. Valorarase a inclusión do soporte gráfico que mellor axuden á doada localización dos topónimos (mapas e croquis do concello, das parroquias e dos lugares ós que corresponden os microtopónimos) 4.7. Nos Concellos costeiros non só se deben recoller tódolos microtopónimos dos accidentes costeiros, senón tamén tódolos topónimos que a actividade pesqueira creou no mar, mesmo a varias millas da costa, ata onde os haxa. 4.8. Unha Certificación do Concello ou do Director do Centro Escolar, que acredite que o estudio contén de forma auténtica e exhaustiva toda a microtoponimia do Concello. 4.9. Valorarase a aportación de fotocopias dos edictos de pasadas expropiacións para obras públicas como encoros, novas liñas eléctricas, estradas, autoestradas ou concentración parcelaria nos que se elenca