Traballos de investigación e estudo
BOLETÍN DA REAL ACADEMIA GALEGA
currindo como podería vencer á os mouros: o pesar, a congoxa e o traballo rendírono, e quedóu dormido. En seguida veu en soño un Señor muy respetable que lle dixo: «Ranimiro: ten valor: eu son Iacob Apostol, á quen noso Deus fixo Tutelar da Hispanha. Non te aflixas máis: mañan atacade á os mouros de duro; éu serei o voso Capitan. Iste, meus amigos, non é conto de bellas: está muy probada á verdá d'esta historia. Desde entonces non hubo mais tributo de doncellas; e todos os cristianos fixeron oferta á o Santo Apóstol o seu protector e defensor. Contar as muitas mais veces que o Santo Apó[s]tol nos protexéu e cousa solo d'un libro muy grande. Tan solamente por o que dixen, ben vedes canto amor e devocion lle debemos ter; e pedirlle sempre que nos libre de mouros de todas as castas, que ainda salen muitos da nosa terra, uns con media luna, e outros con luna enteira. Salude, amiguiños: Deus, Nosa Señora, e o Santo Apóstol nos axuden sempre: Amen. Burata do PicoSacro, a 23 de xunio do ano 1801. PEPE HERMITAÑO
2. MOTIVACIÓN, DATACIÓN E AUTORÍA DO MANUSCRITO Aínda que a primeira vista pareza que o texto non é máis que un simple panexírico do Apóstolo Santiago, cremos que o seu obxectivo fundamental non é outro que a defensa da historicidade da batalla de Clavixo ?motivo que conta cunha extensión considerable no relato e que se sitúa estratexicamente ao seu remate?, e por tanto lembrarlles ás persoas a quen ía dirixido a obriga de pagar o Voto de Santiago. Esta renda eclesiástica de orixe medieval, ben estudada por Ofelia Rey Castelao, estaba a vivir desde as tres últimas décadas do século XVIII unha forte contestación popular que se vai intensificar no século XIX, ata que en 1834 se decreta a súa abolición definitiva (Rey Castelao 1993: 149 e ss.). Por outra parte, a Igrexa de Santiago, beneficiaria natural do Voto, atopábase nunha situación de debilidade económica nos anos inmediatos a 1801, despois de repetidas contribucións ao Estado para financiar as sucesivas guerras contra Francia (finalizada en 1795), Inglaterra (que se prolonga desde outubro de 1796 ata marzo de 1802) e Portugal (iniciada en maio de 1802, pero planeada desde o ano anterior) (López Ferreiro 1909: 93107). Non parece raro, por tanto, que nestas circunstancias o cabido ou a mitra composteláns botasen man do púlpito para facer chegar a súa mensaxe ás masas campesiñas. Ademais, algunhas alusións do texto que hoxe resultan opacas ?pero que seguramente tiñan un referente claro para o auditorio da época? gañarían sentido poñéndoas en relación coa conflitividade orixinada arredor do cobro do Voto de Santiago. Cando o autor apunta que ?muitos [galopíns] hay ainda? (1.2), ou que ?ainda salen muitos [mouros] da nosa terra, uns con media luna, e outros con luna enteira? (4.2), pode243 Nº 367