BOLETÍN DA REAL ACADEMIA GALEGA
Traballos de investigación e estudo
Decontado os discípulos seus que o acompañáran colleron o corpo e a cabeza, e escaparon pra o porto de Iapha; fixéronse con un'a lancha, metéronse nêla co Santo Corpo, e botáronse á [2.1] o mar a Santa de Deus: e Deus quixo que sanos e salvos chegasen á Cesures porto de IriaFlavia, que entonces debía ser dos bons, donde desembarcaron e depositaron o santo corpo un pouco de tempo, levándoo logo mais a dentro do terreno, hasta un bosque muy espeso donde fixeron un'a Capela muy bonita con axuda dos cristianos que xa habia, e alí o depositaron con muita decencia, e gardando todos muito secreto, por causa das grandes persecucions que sufrían dos enemigos dos cristianos. E por isto chegóu á quedar ignorada por muito tempo cousa de tanto valer, hasta que Deus quixo dâlo á conocer, como verédes. Xunto do lugar donde estaba o sepulcro do noso Santo Apóstol había un'a Capela cristiana, da que cuidaba un hermitaño chamado Payo (hoxe é S. Pelayo) monxe muy penitente, que atendía tamén á as necesidades espirituales de uns catrocentos cristianos que acollidos nâquel bosque puderon librarse da persecucion dos anticristianos. Aquela Capela, ou hermita, era á que oxe chaman S. Felix de Solovio; anque o nome lexítimo é S. Fins de Lovio, segun os papéis mais bellos. Un'a noite estaba o monxe en oracion, e véu luces nûn sitio do bosque e que un'a estrela de rabo botaba rayos de luz á aquel mismo sitio; e isto pasou outras noites mais. O monxe cabilóu no conto, e avisóu á o Señor Teodomiro Bispo de Iria, quen dispuxo un ayuno de tres dias pra que Deus os iluminase, e poidesen saber o significado de tales luces e estrelas; pois a cousa seguía todas as noites. No terceiro dia o Señor Bispo cantóu na Capela de S. Fins un'a Misa solemne, e logo fúi cô clero e veciños á o lugar signado pô las luces é pô la estrela de rabo: mandou cortar [2.2] a rentes os espiños, carballos, e demáis árbores, e de duro cavar nâ terra aquela. Todos traballaron de alma; e, meus amigos, xa veredes ó que se descubréu. Hacharon un'a capela bonita con bóveda sobre dous arcos de pedra muy labrada; e dentro un monumento sepulcral de figura dun altar, e á cada lado outro mais pequeno, todo feito de pedra marmórea. Con muitísimo respeto abriron o primeiro, e viron todos un Corpo sin cabeza, e que esta estaba xunto do corpo, e mais un bordon, e un letreyro que decía así: «Aquí iaz Iacobo filho do Zebedeo e de Salomé, Hirmao de Ioan, que matóu Herodes en Ierusalen, e veu por mar côs seus Discípulos fasta Iria Flavia de Galicia, e véo num carro e bois de Lupa señora d'este Campo, e d'[a]qui non quixeron pasar mais a diante; e S. Cecilio discípulo do Apóstol lo fez, estando iuntos os máis discípulos. Iste descubremento fúi na era DCDXI, ou sea no ano 873 do nascemento de noso Sr. Iesuchristo, sendo Papa Leon III, Bispo de Iria Teodomiro, e rey de Asturias e Galicia Alonso II o Casto. E desde entonces fúi chamado aquel sitio o Campo da estrela por aquela grande que botaba nêl os rayos de luz, e en latin decíase Campus stellæ, de donde vén o nome de COM
Nº 367
240