Traballos de investigación e estudo
BOLETÍN DA REAL ACADEMIA GALEGA
1. TEXTO Ofrecemos a continuación a transcrición d'Ó Apóstol Santiago. A nosa intervención sobre o texto foi mínima: restituímos os elementos elididos, ben por lapso (d'[a]qui ?2.2?, todo [o] mundo4 ?3.1?, Apó[s]tol ?4.2?), ben por deficiencias na impresión (pr[i]meiro ?4.1?, bande[i]ra ?4.1?), e indicamos mediante parénteses que se debe suprimir unha palabra duplicada ((á) ?3.2?). Segmentamos tamén os elementos aglutinados da oración Nonte aflixas máis (4.2), en consonancia cos usos que atopamos no resto do texto, e eliminamos o til de noité (2.1). Respectamos en todo momento a ortografía orixinal, aínda cando se poida percibir algún erro ou problema: mantemos os dous casos de Iesucrhisto (1.1 e 1.2) (cf. Iesuchristo en 1.1 e 2.2) e deixamos tamén délas (4.1), que probablemente aparece por d'elas (cf. d'eles en 4.1). Co fin de facer máis doada a localización das referencias na análise lingüística sinalamos na nosa transcrición o cambio de páxina e de columna do texto orixinal. Hai que advertir que ao final do prego figura o pé de imprenta (Santiago: Imp. de EL DIARIO, San Francisco núm. 9) e inmediatamente antes atopamos a indicación de que o texto procede dun ?(Manuscrito inédito.)?.
Ó APÓSTOL SANTIAGO. ¡VIVA!
[1.1] Meus amiguiños: salude e pas en noso Señor Iesucrhisto. Muito me alerto, cando oyo falar do noso Santo Apóstol. ¿E cómo non? O bendito San Iacobo, primo carnal do Santísimo Iesus, foi o Apóstol que trouxo a Hesperia ou Hispanha á bóa nova da redempcion do mundo; é predicóu muito tempo nêla o Santo Evanxelio, pasando muitos traballiños, facendo muitos milagros, e convertindo muita xente a noso Señor Iesuchristo. E tan bén o facía, que merecéu un'a visita da misma Madre de noso Señor, cando estaba xunto da cibdade Cæsaraugusta, que hoxe chaman Zaragoza; e dóulle un'a imaxen súa con un'a columna, pra poñela nûn altar da capela, que alí lle mandóu construir, e, pequena ou grande, él fíxoa. Isto, meus amigos, quer decir, que á Madre de Deus quixo tomar posesion xa nâ sua vida mortal da terra d'[1.2]Hispanha, sendo á sua privilegiada e pô lo que fúi sempre cognoscida por Patrimonio de Maria Santísima, que bendita sempre séa. Despóis de pasar un sin fin de traballiños, tuvo que volver á Ierusalem o Santo Apóstol, sin dúbida chamado por S. Pedro pra asistir á o terceiro Concilio celebrado no ano 50 do nascemento de noso Señor Iesucrhisto, donde se xuntaron os Apóstoles todos. E por entonces, debéu ser, cando o galopin de Herodes (muitos hay ainda) mandóu degollâlo por causa do muito celo con que predicaba a santa ley, e das muitas conversions que facía de almas pra o reino de Deus. ¡Xa se vé! Era muy valente e nada medoso: era bén FILLO DO TRONO.
239
Nº 367