BOLETÍN DA REAL ACADEMIA GALEGA
Estudos e investigacións sobre María Mariño
A estas variantes apostróficas, de tensión apelativa, corresponden determinados actos de fala que dan singularidade, entón, ó dicir patético do eu. Trátase, dominantemente, de actos directivos, de modo especial a pregunta:
Señor, ¿Que farrapo son de ti? (...) ¿Que de min é teu sendeiro? ¿Que verba miña che chega? ¿Que son na túa liña de contas? (OCVC, pp. 169170)
E tamén o prego, coma o que dirixe ó ?Esprito amigo?, poder benévolo e vivificador, alento do renacer:
Si algo de ti alenta en forza viva, (...) encende luzdía na cinsa dos mortos (...) encende luz apagada daquel día que sobra, encende, (...) Chama ás cousas que non son delas, chama hasta que desperten (?) (OC.VC, p. 151)
Ou mesmo os modos imperativos:
ouh quítalle as sombras ó sol, latido amigo, quitaille ríos, regueiros e fontes á auga, quitaille á terra, quitaille o don que entre nós morre sin saber del, quitaille seu noso abono, (OCVC, p. 208)
Claro que a orixinalidade meirande nas actitudes líricas do diario radica, de modo nidio, nas formas ou usos do desdobramento do eu, variantes, xa que logo, do monólogo autorreflexivo. A máis característica e recorrente no poemario é a variante do diálogo interior, é dicir, a apóstrofe que se orienta cara a un ti sinecdóquico do falante e suxeito poemático, e que corresponderá a unha esfera vivencial, espiritual, afectiva, ou a algún emblema corporal, pois, do propio eu. Así segundo xa se advertiu dende outra perspectiva, nun caso o eu lírico apela ó ?amigo pulo?, á forza que lle dá a liberadora e sublimadora ?voz de alento?, que lle acende e ergue a palabra creadora:
Nº 368
62