Eladio Rodríguez González
BOLETÍN DA REAL ACADEMIA GALEGA
No que toca á lírica da saudade ou ?cobiza do lonxe?, expresión de Teixeira de Pascoaes que Eladio Rodríguez emprega na súa poesía, seguindo as reflexións de Vicente Risco e R.Cabanillas que el coñecía de primeira man (E. Rodríguez González, 1920), está tamén expresada a propósito da emigración e a infancia , e vai afinándose en Oraciós campesiñas cunha estética da melancolía: ?Teño no peito unha agachada fonte que deita as augas do mañán e do onte ¡As augas milagreiras da lembranza, que son o desalento e son a espranza? (?As augas lustrales?, OC: 198) II. Paralelamente, unha poesía impregnada de forte relixiosidade evanxélica e panteísta a un tempo, cristiá e pagá nunha orixinal mestura que afunde as súas raíces na cultura tradicional galega: ?¡Noso Pai Outono! (...) ¡Deus te salve, Señor da Fartura! ¡Volve a nòs, gasalleiro, os teus ollos! ¡Danos o pan noso de tódolos días! ¡E santificado seas polos pobos!? (?Outono?, OC:140). Esta relixiosidade revélase a principios do s. XX a través dunha estética espiritualista, moi achegada ós prerrafaelitas, que arrinca a poesía de don Eladio dos pesados brazos decimonónicos para entregala ó modernismo. Entendámolo como un modernismo europeo, parangonable ó de certos poetas cataláns e casteláns do cambio de século (Joan Maragall e o primeiro Antonio Machado), e pouco afín á mensaxe rubeniana máis sonora. Este modernismo, que está moi ben perfilado en poemas como ?Fume?, ?Alma ferida?, ?A corredoira?, ?Lusco e fusco?, ?Acougo?, ?A voz da paisaxe? (OC: 1315, 4344, 5960, 107108, 193195, 237240), vai facelo compañeiro de vieiro estético do poeta Ramón Cabanillas e rematará desembocando nun tipo de poesía xeórxica ou virxiliana: Como Hesíodo nos Traballos e días e Virxilo nas Xeórxicas, Eladio Rodríguez vai cantar a sinfonía do traballo ó decorrer das estacións do ano no campo. Non significan outra cousa que intento de facer poesía xeórxica do campo galego as referencias ad hoc espalladas por ?A cántiga da fame?, ?Paisaxes?, ?¡Meu Ribeiro!? e ?A gaita galega? (OC: 23, 89, 113, 187), en realidade xa anunciadas nos ecos de Horacio e Frei Luís de León nun poema como ?¡Tempos aqueles!? do libro Folerpas (197201). Esta tendencia terá unha importante repercusión na literatura galega anterior e posterior á guerra civil, con nomes da valía de Noriega Varela, Iglesia Alvariño, Díaz Castro, Crecente Vega e especialmente, Otero Pedrayo, que tivo a don Eladio por amigo e mestre (R. Otero Pedrayo, 1956, 1999).
89
Nº 362