BOLETÍN DA REAL ACADEMIA GALEGA
Eladio Rodríguez González
III. Finalmente, a derivación mística segue apegada a presupostos posrománticos, simbolistas e modernistas, e pode ter conexión con escritores bastante posteriores a el, como A. Cunqueiro ou Luz Pozo Garza, seica cando o misticismo ten unha base na terra e dirixe os ollos do pensamento cara ó futuro do país. Este misticismo ten varios compoñentes, ben estudiados por Julio Rodríguez Yordi, aínda que este se esforce demasiado en situalo dentro dunhas coordenadas da ortodoxia católica que o contido dos poemas rebordan con moito. O misticismo de Oraciós campesiñas é algo máis que o que expresa o cadro de Millet dos campesiños orantes na chaira ó toque do Angelus, imaxe que non podemos deixar de lembrar ó abrir o libro de don Eladio, pero que consideramos insuficiente ó pechalo. É algo máis, porque sinala a presencia dunha divindade telúrica que inflúe na vida do ser humano, poñéndoo en comunicación coa sinfonía cósmica: ?Quero sentir fortemente o misticismo da terra (...) o culto inmorrente da Nai Naturaleza; a veneración á todo canto â nosa beira nace, vive, crece, morre e volve á entrar en nacencia polo misterio da santa Fecundidá milagreira? (?Misticismo?, OC: 60) Velaí a clave do significado da palabra oración e a súa conexión primixenia coa lírica como xénero literario. Eladio Rodríguez González, con esa mestura de humildade e soberbia de poeta, sábese elixido para escoitala: ?Sinto a grandeza do campo como quizais nadie a sinta, porque me atrai fortemente a súa quietude mística ia súa maxestá solemne e nobre ia súa humildá tranquila? (?O santo tempro?, OC: 140).
Dúas mostras da poesía de Eladio Rodríguez González A continuación propoñemos a lectura de dous poemas de Eladio Rodríguez González: ?¡Canté!? e ?Oración sen nome?, pertencentes a Folerpas e Oraciós Campesiñas, e representativas de dúas liñas da súa obra poética xa vista. Non faremos máis que as mínimas
Nº 362
90