MURGUÍA E A ARQUEOLOXÍA GALEGA
Marcos MARTINÓNTORRES
DEPARTAMENTO DE HISTORIA I. ÁREA DE PREHISTORIA. UNIVERSIDADE DE SANTIAGO DE COMPOSTELA.
?...aquel oscurísimo pasado que empezamos hoy á compender gracias á los errores y utopías de los que, antes de nosotros, penetraron en sus limbos.? Manuel Murguía, Galicia (1888), pp. 9394.
INTRODUCCIÓN Reler a Manuel Murguía resulta sempre productivo. Así o amosa a proliferación de análises da súa personalidade e mais da súa obra, que non deixan de achegar datos, interpretacións e perspectivas para enriquecelo noso coñecemento de quen tanto fixo pola cultura galega. Froito desas múltiples investigacións, hoxe podemos coñecer, en maior ou menor medida, o Murguía novelista, o poeta, o crítico de arte e literatura, o promotor cultural, o arquiveiro, o historiador, o político... Nembargantes, hai unha faceta deste intelectual que a penas se ten estudiado: ben pouco é o escrito sobre o Murguía arqueólogo1. A contribución de Manuel Murguía ó desenvolvemento da arqueoloxía en Galicia ten un valor inestimable. Moitos dos posicionamentos actuais ante o patrimonio arqueolóxico, moitas interpretacións da cultura material, moitos achados tidos por novidosos neste século, parten das lúcidas observacións deste autor ó cal, neste eido, non se lle rende o tributo que merece. Por este motivo, e polo noso convencemento de que sempre podemos aprender de quen nos precedeu, consideramos xustificada a realización deste traballo. Nel trataremos de achegarnos a ese ignorado Murguía arqueólogo: analizarémola súa valoración desta disciplina no seu contexto sociocultural, os principais ámbitos nos que incidiu desde esta perspectiva e as conclusións ás que chegou, para que poidamos deste xeito ter en consideración o pulo que lle deu á arqueoloxía galega. Para esta análise partimos das obras nas que expuxo máis polo miúdo as súas consideracións sobre a arqueoloxía: as dúas edicións da Historia de Gali