BOLETÍN DA REAL ACADEMIA GALEGA
Estudos e investigacións sobre María Mariño
tos veño / que non teño!? (78); ?Son o humor da nada? (107); ?Miro, miro e non vexo. / Sinto, sinto e non teño? (108); ?Mares hai sin ondas neles e hai teitos sin niadas.? (117); ?Afondada nun bon són fun medrando sin sabelo. / Cheguei hoxe á miña altura. O son vén e vai sin telo? (135). Algúns casos son especialmente significativos, como o seguinte: ?Xa no me deixa nada o vento. / Xa no me quenta o sol. / Xa non me molla a chuvia. / Son esquecida. / No me atopa a terra ?peladiña en gromo?, / aquela que pareu o tempo? (178). Por outra banda, tamén o desposuimento que un fai do mundo ou que o mundo fai de un, nesa unidade esencial, implica o esquecemento e, por suposto, a destrución da identidade individual ou a súa diversificación. Ó ser suspendidas as categorías lóxicas o resultado é a apertura conceptual á realidade, que se multiplica na súa unidade, tal e como vemos con absoluta nitidez no poema 31 de Verba que comenza: ?Volve a hora do serán aquel ?tempo feito?, / volve o día que apañou e levou, / volve a luz que levou a tómbola dos sentidos, / negáronse a ela. / Tómbola que nos leva esquecidos de nós mismos, / feitos outros que non tiñamos, / que non eramos, / outros que non sabiamos deles.?; apreciamos no exemplo a emanación do misterio, a suspensión ou deixamento dos sentidos, a negación ou o recoñecemento dos atributos negativos, o esquecemento ou anulación da identidade, a multiplicación da mesma, pero tamén, como resultado de todo o proceso, a unidade co misterio ou, o que é o mesmo, o descubrimento do ser no tempo absoluto, do verdadeiro ser da poeta: ?¡Xa non vou nela! / ¡Xa sei quen son! // (...) / Que anduvemos a un pedal sin saber que tiñamos / que andar a dous, Mundo, eso si que o sei...? (204205). Un exemplo máis, tamén moi clarificador deste proceso subtrativo é o que atopamos no derradeiro poema do mesmo libro citado; nel, a voz poética solicita a eliminación de contidos do mundo: ?quítalle as sombras ó sol ti, latido amigo, / quitaille ríos, regueiros e fontes á auga, / quitaille á terra, / quitaille o don que entre nós morre sin saber del, / quitaille seu noso abono, / afogade cos mares o tempo aquel que foi / noso.? (208). Ademais, no mesmo texto, a voz poética lembra que a natureza se tiña manifestado a ela, pero que logo volvera a desaparecer, deixándoa abandonada e desposuída de si, literalmente espida ??Ceiboume logo na escada xa cega, xordamuda, / ceiboume. / Sin saber pra onde ir nin a donde agarrarme, / de todo núa, cando dela de a feito non sabía??, para, a continuación, recuperar o vestido que a natureza lle outorgara, é dicir, a súa unidade con ela: ?As galas daquel bon día de terra volven de novo a min / certas, verdadeiras; / e diante con elas camiño a paso limpo? (208209). Tamén nos parece especialmente significativo o derradeiro poema de Palabra no tempo, no que atopamos unha explicitación da función dos poetas e da poesía; unha das virtudes que ten o vate, segundo o visto ata o de agora e en relación co principio da cesación ou desposuimento, é a da anulación da identidade propia mediante o proceso do esquecemento da súa continxencia particular. Tal parece ser o que afirma María Mariño: ?Os cantores esquecen o seu día / e dóense do que saben que lles chega? (144). Tamén aplicado á propia persoa, a pobreza do que renuncia a toda posesión e é consciente do seu
Nº 368 40