BOLETÍN DA REAL ACADEMIA GALEGA
Manuel Curros Enríquez
entonando, por todos, rexos cantos con voces craras e sinxelas verbas. Xa aquí, este poeta ?ceibe? aclara: Máis que nunca, as concencias ?queren revelacións e non misterios?. O poeta emigrante cita, sen dúbida, a Curros, ó Curros que, na ?Introducción? de Aires da miña terra (1880), expuña o seu programa poético: As xentes tristes... [...] cando ó vate interrogan, novo oráculo, queren revelaciós, que non misterios. Tamén Paz Lestón aclara, de contado, na estrofa final, quen é o autor do verso entrecomillado: ¡Que esta frase do gran celanovense nos sirva como lema no futuro e que o numen xenial do rexo Bardo sexa noso guieiro e nos inspire14. Seis anos despois, en 195915, Paz Lestón ten presente ?o enxebre numen do tronante Curros? para propoñelo como guía que deben seguilos poetas de hoxe, poetas que teñen a obriga de arrepoñérense: ¡Que o eiscelso esprito que viveu loitando contra o mostro feroz das tiranías inspire as voces dos aedas novos que sorcan na Terra ou pelegrinan! ¡Que os delores da Patria hoxe en silenzo tremen nas cordas das noveles liras deica soerguer ó pobo en odio santo que, tras roxas auroras, o rediman! Agora, xa en 1959 un tempo menos arriscado, na Galicia interior, para o exercicio da poesía contestataria, Paz Lestón recomenda escribir á maneira belixerante de Curros
Nº 362
144