BOLETÍN DA REAL ACADEMIA GALEGA
Manuel Curros Enríquez
ni cantaste a los reyes ni a los papas. Tu musa fue el gemir de los humildes, el llanto de las madres y los parias. Un poeta desta feitura moral e literaria se agora vivise tronaría de novo contra los que asolaron nuestra patria. Non é a primeira vez que José María Acebo invoca e bota de menos a lira broncínea de Curros. O poema ?Yo propongo?2 comeza con estes versos: Si tuviera de nuestro gran Curros la pluma y la frente cantaría con versos sublimes la gesta valiente que grabaron con nervios y sangre aquellos diez héroes que antes de entregarse al fascio asesino rompieron sus sienes muriendo en el fondo de un bou... Refírese Acebo neste poema ós antifascistas galegos que intentaron fuxir de Vigo no bou Eva o 23 de abril de 1937 e que, cercados polos falanxistas, suicidáronse antes de caeren nas mans dos que, antes de matalos, torturaríanos. Eran nove non dez, como di o poema, oito homes e unha muller (Carmen Miguel Agra, esposa dun dos inmolados, Ángel Nogueira Nogueira); entre os homes, dous curmáns de Castelao, Xosé Losada Castelao e Manuel Rodríguez Castelao. Sabemos por un maxistral artigo de Rafael Dieste3 (e por outras fontes) que os falanxistas chegaron a introducir na bodega do bou, na que os fuxitivos se refuxiaran, mangueiras con auga fervendo, momentos nos que empezaron a soalos disparos4. José María Acebo, que canta esta inmolación, é consciente de que este tipo de cantos require unha musa como a do ?gran Curros?. José María Acebo publicou os poemas citados, e once máis, nas páxinas de Nueva Galicia (Portavoz de los antifascistas gallegos)5 entre o número 7 (27VI1937) e o 37 (30I1938). Son poemas dunha musa civil e belixerante que ben quixera para si telo talento e os acertos da de Curros Enríquez. De José María Acebo non hai outros datos nin coñecemos outros textos. Polos publicados en Nueva Galicia sabemos que era galego e que xa non era un home novo (?Yo, para mi desgracia, no soy joven?6). Por outra parte, sospeito que viviu tempo en Asturias xa que algúns asturianismos lingüísticos atópanse nos seus versos. Afiliado ou non ó Partido Comunista, o Partido que gobernaba este semanario frentepopulista, escribe versos coma estes: ?Deja tu pesimismo / y lucha por
Nº 362 140