MANUEL MURGUÍA
283
4. REFORMA E APROBACIÓN DOS NOVOS ESTATUTOS DA REAL ACADEMIA GALEGA
Os primeiros Estatutos da Real Academia Galega databan do 1906, ano da fundación da Real Academia Galega. Este texto necesitaba unha remodelación que o actualizase, non só polo desfasamento lóxico que orixina o transcorrer dos anos senón tamén porque o papel da institución cara á sociedade galega cambiou nos últimos anos. Este cambio vén dado, sobre todo, polo Estatuto de Autonomía e a posterior aprobación da Lei de Normalización Lingüística do ano 1981, que lle confire á Real Academia Galega o criterio de autoridade legal en cuestións relativas á lingua galega. En función do antedito, no ano 1987, elaborouse un proxecto de renovación dos Estatutos que foi aprobado pola Corporación pero non chegou a ser sancionado oficialmente. Por último, en xaneiro de 1999 a Corporación acordou a redacción do novo texto estatutario. Estes novos Estatutos foron aprobados pola Corporación en sesión extraordinaria o 3 de xuño de 1999, polo Consello de Ministros o 25 de febreiro de 2000 e ratificados oficialmente ó saíren publicados no BOE de 4 de marzo de 2000.