280
BOLETÍN DA REAL ACADEMIA GALEGA
Enmudecida a vida cultural en Galicia, polos ano 40 cobrou presencia en América. Os exiliados galeguistas, con maior ou menor apoio dos núcleos da emigración, tomaron diversas iniciativas en varios países para facer presente a personalidade cultural e política de Galicia. Entre elas, destacaron as levadas a cabo en Bos Aires, onde Castelao protagonizou o liderado político do galeguismo exiliado. Pero esta actividade non sería posible sen unha colaboración eficaz desde a Galicia amordazada. Del Riego loitaba ó mesmo tempo desde a clandestinidade interior e desde a fronte cultural do exilio. No ano 50 foi un dos fundadores da editorial Galaxia, da que foi elixido Secretario do Consello de Administración. Pero ademais da función de xerencia tamén contribuíu culturalmente ó labor galaxiano, non só coa súa propia obra senón estimulando á doutros. E animou, así mesmo, a moitos outros escritores ó cultivo das nosas letras. Elixido Numerario da Real Academia Galega, en novembro de 1960 fixo o seu ingreso na mesma co discurso titulado Un país e unha cultura. A idea de Galicia nos nosos escritores. Desde que en maio de 1964 se inaugurou a Fundación Penzol, del Riego tivo ó seu coidado o funcionamento da Biblioteca, dirixindo diariamente a actividade deste importante centro cultural. É codirector da revista Grial, membro do Padroado do Museo Carlos Maside de Arte Galeg o e do Padroado da Casa Museo Ramón Otero Pedrayo. A súa obra de escritor, case toda consagrada a Galicia, é abundante e variada. As súas colaboracións xornalísticas apareceron en El Pueblo Gallego, A Nosa Terra, H e r a l d o d e Galicia, La Noche, Faro de Vigo e nas revista Nós, Alento, Galicia de Bos Aires, Vida Gallega, Galicia Emigrante e en moitas outras publicadas nas colonias galegas de diversos países. Tamén hai que subliñalo seu labor ó longo de moitos anos a través de revistas especializadas Industrias Pesqueras e Industrias Conserveras. Empregou varios alcumes: Salvador de Lorenzana, Cosme Barreiros, Adrián Solovio, Adrián Soutelo. Os seus libros publicados son:
? 1949. Cos ollos do noso esprito: ( ensaios breves). Buenos Aires: Alborada ? 1950. Danzas populares gallegas. Buenos Aires: Galicia ? 1951. Manual de historia de la literatura gallega. Vigo: Galaxia ? 1954. Galicia no espello. Buenos Aires: Galicia ? 1974. Letras do noso tempo. Vigo: Galaxia ? 1978. Antolín Faraldo, un precursor. A Coruña: Banco del Noroeste ? 1983. Ánxel Casal e o libro galego. Sada: Edicións do Castro ? 1983. Pensamento galeguista do século XIX. Vigo: Galaxia ? 1983. Pensamento galeguista do século XX. Vigo: Galaxia ? 1984. Escritores de Portugal e do Brasil. Sada: Edicións do Castro ? 1984. As peregrinacións xacobeas. Vigo: Galaxia ? 1988. O señor da casa grande de Cima de Vila. Trasalba: Fundación Otero Pedrayo ? 1990. Diccionario de escritores en lingua galega. Sada: Edicións do Castro ? 1990. O río do tempo: unha historia vivida. Sada: Edicións do Castro ? 1991. Álvaro Cunqueiro e o seu mundo. Vigo: Ir Indo ? 1991. Álvaro Cunqueiro: 19111981 unha fotobiografía. Vigo: Edicións Xerais de Galicia ? 1992. Blanco Amor, emigrante e autodidacta. Vigo: Ir Indo ? 1992. El camino de Santiago. Vigo: Enor