MANUEL MURGUÍA
147
turas provinciales, solo posibles allí donde la genialidad de una raza distinta las hace necesarias, son fruto de una corriente puramente moderna? 10. O movemento literario, como xa suxerimos, forma parte dun movemento superior, cultural e político. Anque no caso especial de Antolín Faraldo, Murguía vai caracterizalo como escritor político e non poeta, o certo é que nas súas concepcións os camiños da arte, da poesía e da ciencia deben ir parellos ó feito de favorecer e glorificar ?a pequena patria?. A Manuel Murguía, como a outros moitos escritores do seu tempo, hai que situalo no que George Steiner denomina ?o mito do século XIX? ou o ?imaxinado xardín da cultura liberal?, que confiaba no papel civilizador das artes, da literatura, da cultura. Como xa temos indicado, o movemento literario e cultural, forma parte dun movemento político, encamiñado á rexeneración colectiva. Murguía pensa que o atraso de Galicia non só é económico ou político senón, e sobre todo, cultural, por iso algunha das súas ideas gozan dunha grande actualidade. As provincias ?opinaba el? xamais serán donas de si mesmas se non son ilustradas. Cultura e ilustración era algo que lle facía falta á Galicia do último tercio do XIX para desenvolvela súa modernización, a súa dignidade colectiva ou, en palabras de Murguía, a súa glorificación. Para Murguía este proceso estaría vinculado ó que ocorrera en Cataluña e en Provenza (unha volta ó esplendor medieval), anque Murguía nos recorda que en Galicia este feito se dá dun xeito espontáneo, é fillo involuntario dunhas xentes que se ignoran, mentres que en Cataluña é un producto dun pobo que se rexenera e completa. Murguía parecía ser consciente de que traballaba nunha sociedade desvertebrada, de tal xeito que o seu amor pola terra non o cegaba cando el mesmo consideraba (con ese sentimento de desencanto que se entretece no entusiasmo murguiano e que é un dos trazos máis característicos das súas posicións e do seu estilo) que Galicia é mellor cós seus fillos. Murguía semella ser consciente, ó mesmo tempo, dos atrancos que atopaban os seus proxectos, e a súa mesma tarefa intelectual. Cando menos o Murguía de Los pre c u r s o re s, que é a quen nos estamos a referir principalmente, é un entusiasta melancólico. Trátase da escrita dun home doído e, ó mesmo tempo, sereno. Cántas veces témola impresión de que escribe con letra serena, entusiasta sobre as follas do desencanto e da desilusión. Tacticamente Murguía presenta Los pre c u r s o re s como un libro de lembranzas (é a escrita da memoria; o