148
BOLETÍN DA REAL ACADEMIA GALEGA
importante non é el senón os outros) pero, no fondo, o que Murguía fai é recrealo ensaio literario como xénero e como campo da crítica, nunha dirección moi semellante á que pediría, xa no noso século, o mesmo Walter Benjamin. A prosa castelá de Murguía (non lle faltaba razón á opinión de Valle) penso que é unha das mellores do seu tempo e refírome, claro é, á prosa de Los pre c u r s o re s. Nesta obra chega a definir, con auténtica mestría, un xénero memorialista dos que non abondaban na escrita castiza: detrás dos retratos latexan ideas moi interesantes. Todo bo lector da nosa literatura sabe que é unha auténtica mágoa que este libro non fose escrito en galego porque fundaría, dunha vez por todas, unha das nosas mellores prosas, é dicir, ese modelo de prosa que, a diferencia do que sucedeu coa linguaxe poética, ficaría sen definir durante tantos anos. As razóns da melancolía coñéceas ben o escritor e o intelectual que é consciente do seu labor solitario, que non ve definido con claridade o horizonte do seu público ou que enxerga que as xeracións novas non seguen as súas ideas. Un sentimento de fracaso impregna as páxinas de Los Pre c u r s o re s. Este vén marcado, entre outros feitos, pola mención ó desvertebramento cultural que sucedeu ó levantamento do 46, o espolio dos documentos de cultura (as perdidas coleccións de xornais) ou polo mesmo feito de considerarse Murguía a si mesmo unha figura polémica. Non é, sen embargo, un libro de axuste de contas: véxase senón a fermosa semblanza do seu contrincante Vicetto. Se, por unha banda, toda a obra de Murguía está movida por un entusiasmo sen lindeiros, por unha fe decidida na tarefa, pola outra é posible rastrexar nas súas palabras algo semellante ó desencanto, ó resentimento, á crítica máis desapiadada que tamén atopamos en memorables páxinas de Rosalía, sobre a sociedade galega daquel tempo. Murguía lémbranos en repetidas ocasións a cativeza do espacio cultural galego, a limitación da vida literaria en Galicia, o feito de saber que forma parte dunhas minorías pouco significativas na nosa sociedade:
Siendo limitada nuestra vida literaria, hallándose, por esta razón, cerrado en la provincia gallega el campo de las luchas intelectuales, claro es que las almas han de perder aquí algo de su fuerza, de su actividad, de su vivo resplandor, de la facultad creadora que Dios puso en ellas: la espada que no se usa, no brillará nunca como aquella que se ha desnudado en cien combates11.