Estudos e investigacións sobre Xosé María Álvarez Blázquez
BOLETÍN DA REAL ACADEMIA GALEGA
c) As achegas de investigación etnográfica: A etnografía foi tamén unha preocupación na súa obra, seguro que a influencia de Manuel Fernández Costas non foi pouca xa que el tamén traballou e publicou sobre esta materia. A investigación arqueolóxica atopou sempre na etnografía e no folclore unha ferramenta básica, que en Xosé María se vencella á súa querenza, dende neno, pola literatura popular, polas cantigas do pobo. Froito dese interese é un manuscrito de xaneiro de 1935 inédito ata este ano titulado ?Algunhas verbas sen recoller da comarca de Tui?, no que inventaria 87 palabras, coa súa descrición, centradas especialmente nos xogos infantís. Completa este labor coa publicación en Portugal dun traballiño sobre ?Os tratos dos nenos na bisbarra de Tui? de 1959, que está en relación directa con outros traballos xa publicados por Manuel Fernández Costas É preciso resaltar tamén como a súa obra Las romerías gallegas encargada e editada polo Centro Galego de Bos Aires contén unha ampla descrición das características das festas populares de Galicia, exemplificado neste caso na romaría do monte Aloia tudense, concretamente a de Nosa Señora das Angustias no primeiro domingo de xullo. Xa o libro está dedicado ?a la venerada memoria de mis padres? e podemos atopar nas súas páxinas parágrafos coma o seguinte:
Y llegan por todos los caminos las procesiones parroquiales. Tras la Cruz y el pendón, el sacerdote resopla cánticos piadosos que el pueblo corea; se adivinan las risas de la mocedad entre las inarmonías del canto. Como en el mundo todo camino tiene su encrucijada, a veces coinciden en el camino dos procesiones de distintos lugares. Cuando esto sucede detiénense ambas al avistarse, y los portadores de los pendones avanzan graves, para abatir por tres veces sus enseñas en mutuo ofrecimiento de ritual respeto. Después prosiguen aunadas la ascensión y el redoblado coro se acerca a la cima, serpenteando entre regatos, perdiéndose a trechos bajo la fronda de los pinares y robledas. El observador experimentado puede ir nombrando las comitivas desde la cúspide, con solo girar la vista a la redonda: Malvas, Pexegueiro, Tebra, Randufe, Vincios, Mougás [...]
d) Traballos de investigación histórica: Xa nun artigo xornalístico en El Pueblo Gallego titulado ?Índice? e publicado en xullo de 1936 amosa a súa preocupación polo coñecemento da historia tudense, a súa difusión e valorización reclamando a edición de catro manuscritos sobre a historia da cidade que ?hoy duermen la siesta del abandono en los archivos de Tuy?. Sinala, en concreto, a historia de Avila y Lacueva, hoxe felizmente editada, pero aínda agardamos que as obras de Antonino Cerviño (El cerco de Tuy e Hijos ilustres de Tuy) e Xosé María Ruybal (Apuntes sobre la Guerra de la Independencia en Tuy) esperten daquela sesta ?y digo siesta, ?engadía?, porque me resisto a pensar en una noche ártica de olvido, helada e interminable.? Unha importante achega á historia tudense foi a edición, en 1958, das ?Memorias de un menestral curioso? manuscrito das memorias de Pedro Santos Fernández, un artesán tudense, que ilustra a historia da cidade no tránsito entre os séculos XVIII e XIX:
241 Nº 369