Eladio Rodríguez González
BOLETÍN DA REAL ACADEMIA GALEGA
que anuncian a oración místicamente por vales e por montes, e se desfán no desacougo da campía ientr'as sombras, mainiños, se recollen, hastra morrer laiándose no velaíño leito en que se esconden... * * * ¡Voz da terra e do ceo! ¡Voz do prèto e do lonxe! Voz do misterio con que a Natureza na lírica hora da emoción se dorme... Canción que leva as almas ô mundo interno dos supremos goces... Oración que nos lembra agarimante a vida e máila morte... ¡Ouh, quén poidera ouvir á decotío, na acougadora paz da bocanoite, esa canción da sagra vaguedade, esa oración sin nome!... Este poema é representativo da solución métrica preferida por Eladio Rodríguez en Oraciós campesiñas, o romance en estrofas nas que se combinan hendecasílabos e heptasílabos, apuntando cara ó tipo de silva romanceada do Modernismo. A métrica do libro resúmese en variantes sobre este mesmo patrón, o cal marca xa a diferencia coa métrica de Folerpas, aínda suxeita ás formas románticas peneiradas felizmente polo seguimento da súa mestra Rosalía de Castro. Esta continúa, ó que parece, marcando os vieiros métricos de don Eladio, que segue especialmente as novidades de En las orillas del Sar, e non entra de cheo na marea modernista máis brillante, que trae formas clásicas como o soneto adaptado ó verso alexandrino. Don Eladio prefire o dodecasílabo mesturado cos hexa, penta e heptasílabos, e nunca chega a usar o verso francés. Se observamos a disposición estrófica, de oito sílabas as dúas primeiras, e doce a última, comprobamos o libre esquema combinatorio de versos curtos e longos, fronte ó mantemento da asonancia en óe en tódolos versos pares. O poema presenta un cadro de paisaxe animado por sensacións auditivas que se funden con sensacións visuais, en dous momentos do solpor seica sucesivos, correspondentes ás dúas estrofas primeiras. A separación entre estrofas é un silencio máis prolongado do habitual, como as marcas tipográficas indican. A última e máis longa estrofa dedícase á interpretación desas sensacións sonoras, que son VOZ do misterio da Natureza, e CANCIÓN e ORACIÓN que estimula misticamente as almas. Péchase o poema cunha
93
Nº 362