BOLETÍN DA REAL ACADEMIA GALEGA
Eladio Rodríguez González
na súa primeira parte se artella sintacticamente ó longo dun período condicional de catro prótases (?si...si...si...si...) e unha apódose final (?estonces...?) : Na segunda parte ofrece unha aserción : ¡As masas populares, cando queren....?, tan só corrixida por outra hipótese: ?Si de cote souperan amostralas...?. Deste xeito queda exposta claramente a mensaxe deste poema social: o pobo ten forza contra a opresión. Só fai falla que a utilice. Xa mencionamos a orixe desta idea na poesía de Curros Enríquez, onde o tema que Rosalía expresa en ?A xustiza pola man? envolto nunha historia persoal e concreta, adquire cariz universal. A mensaxe é clara na súa dureza, e de carácter progresista e mesmo revolucionario: se unha sociedade non garante a supervivencia do pobo, este debe empregar contra ela a súa forza. Eladio Rodríguez expresa isto mesmo a través dun siloxismo que lle outorga categoría de razoamento lóxico, de idea que cae polo seu propio peso. Pero non estamos ante un poema comedido e suave; apunta responsables desa situación: os gobernos da Restauración, incapaces de acabar co caciquismo e de facer algo que non sexa política de salón para limpar unha xustiza corrupta e redimir os escravos do traballo, as bestas de carga ás que algúns anos despois se referirá Patricio Delgado Luaces, ?Xan de Masma?. A virtude pola que clama Don Eladio é o que el chama ?patriotismo? das clases dirixentes, e o que bota en falla para ?as masas populares? é a ?liberdade divina?. Hai un léxico propio deste tipo de poesía, xunto cun rexistro popular e descoidado que lle é consubstancial (?pamplinas, ¡outro cantar sería!?). Sobran os comentarios retóricos verbo da importancia do paralelismo e a anáfora no desenvolvemento da primeira parte, e o uso de sinónimos ás veces en forma de perífrases para nomear a víctimas e culpables: xente probe, praga fatal, os que serran d'enrriba, escravos do traballo, caste de bestas..., catro badüantes de lanvita,... O resultado é un poema que sabe transmitir de xeito directo a denuncia dunha malformación social que causa a postración de Galicia.
ORACIÓN SEN NOME Unha lonxana cántiga no silencio de paz da bocanoite, sonando coma un rezo que polos campos ios picoutos corre, ien rítmica armonía se destrenza, e no manto da brétema se envolve, e vai esmorecendo iapagándose coma un salouco que en desmaios morre... * * * Uns ecos manseliños de badaladas d'unha igrexa probe,
Nº 362
92