BOLETÍN DA REAL ACADEMIA GALEGA
Traballos e investigación sobre outros temas
no da lingua galega, como materia optativa, nos centros públicos que impartan o ensino primario ou o ensino secundario nos territorios de Castela e León, limítrofes coa Comunidade Autónoma de Galicia, que utilicen maioritariamente a lingua galega?. Na estipulación 1ª do acordo dise que ?o contido desta promoción centraríase principalmente no establecemento do idioma galego como materia de ensino nos centros de ensino non universitario das zonas obxecto de actuación?; na estipulación 2ª trátanse os compromisos de cada unha das partes (autorización e apoio das ensinanzas e habilitación do profesorado por parte de Castela e León; apoio do ensino da e na lingua e da literatura galega por medio da formación do profesorado, así como dotación de material didáctico por parte de Galicia); na 3ª estipulación trátase da constitución dunha comisión mixta que, entre outras funcións, delimitará ?a extensión xeográfica da área de aplicación do establecido no convenio, concretando tanto os centros como o alumnado afectado?. E seguen outras cinco estipulacións. O acordo foi cualificado de insuficiente polas organizacións de defensa do galego no Bierzo, por prever unicamente o ensino dunha hora optativa semanal en primaria e infantil, por non prever ningunha dotación orzamentaria, por deixar nas mans de Castela e León a formación e habilitación dos mestres e a elaboración de materiais, por non delimitalas as áreas e os concellos galegófonos, etc. (Parajó / Costas 2001: 104). No curso 200102 comezou a aprendizaxe dunha hora semanal de galego no horario do Coñecemento do Medio a 156 alumnos nas escolas bercianas de primaria de Cacabelos e de Corullón e nas de Paradela do Río e Parandois de Toral dos Vaos, asimiladas á escola de Cacabelos. Tal como salientou nas Cortes de Castela e León o Procurador Felipe Lubián a oferta promovida pola Junta non se axusta precisamente ó acordado, pero aínda así, trátase dun fito histórico para as Comunidades galegofalantes de Castela e León. No comezo do curso 20022003 están matriculados uns 350 alumnos de escolas dos concellos de Vilafranca, A Veiga de Valcarce, A Ponte de D. Flórez e Ponferrada
7.4. O ILG, a RAG e a codificación do galego estremeiro Para estas dúas institucións a galeguidade lingüística do estremo occidental da Terra EoNavia, do Bierzo occidental e das Portelas é incuestionable. O Atlas Lingüístico Galego, que está a redactarse no Instituto da Lingua Galega, contén sete puntos en Asturias, 5 en León e 3 en Zamora, investigados todos no período 197477. Polo que respecta á Real Academia Galega, o artigo 1 dos seus reformados Estatutos (Real Decreto 271/2000, de 25 de febreiro) establece que o seu obxectivo fundamental é o ?estudio da cultura galega e especialmente a ilustración, defensa e promoción do idioma galego?, á vez que no artigo 4 se explicita que por idioma galego se entende ?o propio de Galicia, así como as súas variantes faladas nos territorios exteriores (Asturias, León e Zamora)?.
Nº 363 344