94
BOLETÍN DA REAL ACADEMIA GALEGA
vontade política concordante. Esta última concepción, que é sen dúbida a de Murguía, como será a de tódolos nacionalistas galegos alomenos ata 1960, resulta a máis axeitada para os nacionalismos sen Estado emerxentes, pois permítelles autolexitimarse afirmando a existencia da nación malia a probada indiferencia para coa reivindicación nacionalista que adoita amosala maioría do pobo en cuestión durante as primeiras, e ás veces moi longas, etapas de xestación e consolidación do movemento. De aí a súa insuperada versatilidade ideolóxica e o seu extraordinario éxito en toda Europa dende mediados do século XIX. Pero esta vantaxe política vai acompañada dunha dificultade teórica: ¿como se explica que durante tanto tempo o V olksgeist non se manifeste en forma de conciencia nacional socialmente asumida? Os organicistas, sexan de dereita ou de esquerda, procuran tapar esta fenda do seu edificio teórico cunha sinxela explicación: a conciencia nacional, derivación no subxectivo da obxectividade da nación, en realidade existiu sempre, se ben permaneceu l a t e n t e no pobo mentres os sistemas políticos e as ideas imperantes non facilitaron ou non fixeron necesaria a súa manifestación. Con todo, ás veces sae á luz espontaneamente baixo o estímulo dunha agresión ou doutro feito illado para volver de contado á súa latencia anterior. Pero na época contemporánea, un conxunto de cambios decisivos crearon as condicións para acabar con esa situación, en particular o recoñecemento universal da nación como unidade política natural e a agresión sistemática dos novos Estados centralistas ás pequenas nacións que provoca nestas unha reacción ?instintiva?, como en todo organismo vivo, pola supervivencia. Nesta situación histórica é posible facer p a t e n t e , politicamente activa, esa conciencia latente, e tal é xustamente a misión principal dos nacionalistas: acordalo adormentado na mente do pobo, pois logo de logrado isto, será doado acadalos obxectivos políticos. Por esta razón priviléxiase tanto a acción lingüística e cultural como o recordo/invención das glorias pasadas. Como di Murguía, cando intenta demostrala antigüidade histórica do ?espíritu regional gallego?, nos documentos antigos ?palpita el sentimiento nacional de Galicia; no ficticio, no hijo del momento y creado por el despecho, sino natural, espontáneo, en gran parte hijo de la dignidad herida, pero del todo debido á diferencia de sangre, de costumbres, de carác