198
BOLETÍN DA REAL ACADEMIA GALEGA
extensión do citado capítulo X do volume I da súa Historia de Galicia, publicado en 1865 ?coma quen di, ós comezos da súa carreira de erudito. Outros escritos del interesantes para a nosa cuestión non están enfocados cara ó idioma, senón frecuentemente cara a outras cuestións (fundamentalmente, de índole literaria), ou teñen o carácter de intervención máis ou menos conxuntural en polémicas de prensa, e xa que logo acostuman ter escasa extensión e carecer de sistematicidade e profundidade. O que non quere dicir, claro, que estean faltos de interese; senón que é de balde procurar neles unha teoría da lingua, unha consideración detallada dos seus problemas contemporáneos, ou un programa articulado para a súa promoción. Polo demais, apreciacións sobre o idioma do país aparecen con frecuencia, aínda que xeralmente reiterando observacións ou afirmacións xa coñecidas, nos seus textos históricos, políticos ou literarios, sexan de carácter didáctico1, oratorio ou académico. Os temas dominantes das súas observacións ou reflexións lingüísticas son a orixe, evolución e traxectoria histórica, a defensa coetánea e a vindicación das perspectivas de futuro do idioma, á luz e en íntima relación coas do pobo galego. Noutro traballo, o autor da presente contribución (Monteagudo 1999: 34146), ó tratar da periodización dos avances sociolingüísticos do galego durante a centuria pasada (avances tanto na consciencia lingüística canto no cultivo do idioma), propón distinguir un primeiro período de t r a n s i c i ó n (c. 180840), un segundo período de e c l o s i ó n (c. 184080), e un terceiro período de e m e r x e n c i a (18801915). Centrándonos nas etapas e nos aspectos que nos interesan aquí, e falando dun xeito moi sumario, o período de eclosión constituiría unha fase de acumulación de coñecementos sobre a lingua, asociada a unha considerable mutación na consciencia metalingüística da incipiente intelligentsia galeguista, e acompañada das primeiras tentativas de creación de modelos lingüísticos e literarios en idioma galego. No período de e m e r x e n c i a , a producción literaria progresa notablemente, tanto en cantidade coma en diversidade, e a consciencia metalingüística afiánzase, en medio de propostas e discusións acerca da historia, o status e o porvir do idioma galego, sempre en relación cos do castelán. Un aspecto que nos interesa subliñar aquí, característico do último período considerado, é a frecuencia, intensidade e alcance público que acadan en España e en Galicia as discusións sobre as linguas2. Tales circunstancias históri