152
BOLETÍN DA REAL ACADEMIA GALEGA
O retrato que fai Murguía de Aguirre é afectuoso e leal e contén, sen dúbida, moitos eloxios da súa obra, pero non semella ser Aguirre o poeta modélico para Murguía, ou non o é tanto como o foi outro dos seus grandes amigos, Eduardo Pondal. Imos referirnos precisamente ós dous textos que Murguía lle dedicou ó seu amigo e correlixionario, Eduardo Pondal: a semblanza de Los p re c u r s o re s e o discurso que leu na Real Academia Galega, pouco despois da morte do poeta, titulado ?Eduardo Pondal e a súa obra?, que é dos poucos textos escritos en galego que se conservan de Murguía. En Los Pre c u r s o re s, Pondal representa, en contraste con Aguirre, que daba ás prensas de Santiago os seus versos nada máis escribilos, o poeta reconcentrado na súa tarefa. Ámbolos dous, Aguirre e Pondal, son para Murguía os xefes do movemento literario do seu tempo. Sen embargo privilexia a figura de Pondal. No retrato do poeta de Bergantiños volve empregar datos de índole biográfica e consideracións sobre a relación afectiva que mantiveron, pero hai unha clara intención de defendela poética de Pondal e, sobre todo, de poñelo como exemplo deses poetas rexeneradores, os cales, coa súa obra, posibilitan unha literatura galega: é precisamente Eduardo Pondal quen suscita as consideracións sobre a importancia dos poetas e a fundación dunha literatura galega ás que xa nos temos referido. A obra de Pondal inscríbea dentro dun movemento xeral da poesía europea, o que podemos denominar tardoossianismo, pero non se detén aí, xa que busca outras referencias como unha obra titulada Les Bre t o n s, Mire y a de Federico Mistral, ou Ly re d'airain de Ag. Barlier. Tamén o relaciona cos chamados poetas nacionais, tan queridos polos nacionalismos emerxentes do XIX, así o poeta húngaro, ó que se refire Murguía, pode ser Petöfi. Para Murguía, Pondal é un poeta perfeccionista. Destaca a súa vida en soidade, a única propicia ás grandes obras. Os traballos da intelixencia deben tomarse en serio e como obra relixiosa. Murguía define a poesía de Pondal como unha poesía clasicista, de aí a importancia que na formación poética do de Ponteceso tiveran, entre outros, Virxilio e Tasso. Tamén subliña os aspectos helenísticos da poesía de Pondal: ?ningún otro supo hayar (desde Goethe) como en esta ocasión nuestro Pondal, la claridad, la luz, el rápido movimiento, la sobriedad, y la gracia del poeta griego?12. Non podemos esquecer, ademais,