150
BOLETÍN DA REAL ACADEMIA GALEGA
santes. En Murguía converxen o gran lector e coñecedor de literaturas alleas, das cales se serve dos seus exemplos, de tal xeito que marcan un horizonte referencial cun arredista do literario, que asoma en certos momentos. Podemos chegar a pensar que fronte ó casticismo (se cadra fronte á desilusión que tiña con respecto á literatura castelá) el volve os ollos ás literaturas europeas. Como crítico de poetas, interésannos, sobre todo, os xuízos que verteu sobre tres autores moi vinculados a el, os seus amigos Aurelio Aguirre e Eduardo Pondal, e a súa esposa Rosalía de Castro. Convén indicar que, malia a relación estreita que mantivo cos tres, hai en tódolos traballos un grao de obxectividade e unha mostra de auténtico espírito crítico. Por debaixo da afectuosa prosa do corazón, permanece a paixón do bo lector e a media distancia do crítico. Aurelio Aguirre é o segundo personaxe, por orde de aparición, retratado por Murguía en Los Pre c u r s o re s. Hai razóns de índole afectiva que avalan a semblanza: Murguía e Aguirre foran amigos de mozos, os dous pertencían á sociedade santiaguesa; os dous, como xa dixemos, eran fillos de vascos. Pero sobre todo, a razón que nos interesa é que Aguirre é para Murguía o poeta máis famoso e coñecido en Santiago na década dos 50. Alén das circunstancias tráxicas que envolveron a morte de Aguirre (Murguía esguéllaas con elegancia) os xuízos que verte sobre este personaxe e a súa obra son moi interesantes porque suscitan unha reflexión sobre a figura e o lugar do poeta na sociedade daquel tempo. Debido á definición xenérica que nos propón en Los pre c u r s ore s, Murguía alterna sabiamente consideracións de índole biográfica, na liña do que puido ter sido a crítica de Samuel Johnson no seu Lives of the English poets, auténtico paradigma da crítica literaria do XVIII, con consideracións que puidesemos denominar políticas ou sociolóxicas, e xuízos estrictamente literarios. Aguirre é para Murguía o ?poeta do seu tempo e da súa cidade?. Deste xeito fica contextualizado nun escenario social, nunha Compostela na que litigan ideas confrontadas. A paisaxe de fondo é unha cidade retrógrada, e intolerante cos poetas. Aurelio Aguirre móvese de taller en taller, convencendo os obreiros no tempo da revolución do 54, e compartillando con eles os ideais do liberalismo. Participa no Banquete de Conxo, en compaña de Eduardo Pondal e de Luís Rodríguez Seoane, e Murguía relata os pormenores da organización e, as consecuencias que tivo para os poetas máis novos na cativa Compostela cele