BOLETÍN DA REAL ACADEMIA GALEGA
Eladio Rodríguez González
Rodríguez (Apéndice II) que nos informan da tirantez da situación neses anos. Segundo Amor Meilán os académicos coruñeses pensan que a Academia lles pertence e non fixeron máis que trangalladas, como incluír a Carré Alvarellos na Comisión do Diccionario cando só era académico correspondente, ou facerse con case todas as vacantes nas últimas convocatorias. Ó que o resto de académicos responde facendo unha fronte común unindo os seus votos contra os coruñeses para ocupar as vacantes que saen. Así Amor Meilán pide o apoio, que obtén, de Eladio Rodríguez, para a candidatura de Lisardo Barreiro fronte á de Castelao na vacante de Florencio Vaamonde.
Conjuntamente con esta labor, iremos sometiendo a la Academia una serie de proposiciones en relación a sus acuerdos, a fin de evitar sorpresas y hasta... atraco, como el de Carré... Alvarellos para la comisión del Diccionario. [...] De ese modo creemos que deben ser sustituidos los ilustres varones que en los primeros días de la Academia aparecieron agrupados en torno de la figura egregia de Murguía (Amor Meilán 1925b: 8XII).
Mentres que A Nosa Terra publica un artigo onde acusa ó sector non nacionalista de ir á Academia para conseguir outros fins:
Con motivo das derradeiras vacantes de académicos e as suas correspondentes propostas, alguns diarios de Galicia, e moitos amantes da cultura galega preocúpanse da marcha que leva a R. Academia Galega e coméntana, desfavorabremente por certo, e con algo de razón. [...] Salvo catro ou seus figuras de positivo valer dentro da Literatura e Filoloxía galegas, e aparte algún que outro membro ben colocado polos seus profundos conocementos arqueolóxicos, xa non nas letras galegas que debera ser o mérito principal para figurar nunha Academia Galega, senon nen aínda nas letras castelás. Vanidade, fachenda, é o que os levóu â Academia, e fachenda tamén, se non cousas peor, é o que leva á outros que agora pretenden, con probabilidades de éisito, os postos valeiros.[...] Morada única da ostentación fachendosa de testas valeiras, da que deben de se retirare os poucos galegos de valer que ainda hai nela, se ben teñamos que lamentar que unha institución creada por algús espíritus elexidos para un gran fin, sexa estragada polas politiquillas de camarilla, os cacicazgos, as cobizas ruís que foron desvirtuándoa e mimándoa para dispoñer d'un organismo de certo relevo, ben para se poder presentar como ?algo? o que ?nada? é, ben para, como no caso presente, dispoñer d'unha coleitividade con voto para determinados fins eleitoraes cando chegue a ocasión (ANT 1925a).
Nº 362
108