BOLETÍN DA REAL ACADEMIA GALEGA
Estudos e investigacións sobre Xaquín Lorenzo Fernández
1994, e José Ramón Soraluce Blond e Xosé Fernández Fernández, como directores dun grupo de estudantes de arquitectura, sobre Arquitecturas da provincia da Coruña, vol. I (1995). Mais os estudos de obras de conxunto, co mesmo carácter globalizador que o traballo de Xaquín Lorenzo, onde se reflicte a realidade da totalidade da arquitectura popular e anónima, foise dando a coñecer en publicacións, ben de tipo divulgatorio ben en traballos de maior entidade, que afondaron e ampliaron as materias contidas no texto Etnografía. Cultura material. Outravolta, curiosamente, foron estudosos non galegos quen primeiro reanudaron o labor investigador con estudos debidos aos irmáns Efrén e José Luís García Fernández (1972), nun traballo, composto en boa parte con magníficos debuxos, que mereceu as loubanzas de Xaquín Lorenzo nunha recensión que lle fixo no Boletín Auriense (Ourense, tomo III, 1973, pp. 189190), que leva por título España dibujada. 1. Asturias y Galicia, Carlos Flores (1973) en Arquitectura popular española, tomo II (Vasconia, Asturias y Galicia), temén cun arquivo de magníficas fotografías aínda que a crítica que mereceu de Xaquín Lorenzo foi dura e mesmo inusual no seu talante (Boletín Auriense, Ourense, tomo II, 1973, pp. 191192), e Luís Feduchi (1975), no tomo II de Itinerarios de arquitectura popular española. Retoman o tema, con vigor e novos enfoques, investigadores e estudosos galegos que contemplan, en obras de conxunto e con metodoloxía actual, a arquitectura popular. Este é o caso da etnógrafa Begoña Bas que no ano 1980 publica o libro Construccións populares galegas que, reformulado, aparece no 1983 baixo o título As construccións populares: Un tema de etnografía en Galicia, mentres o arquitecto e profesor Pedro de Llano publica sucesivas investigacións sobre a materia a partir de 1981: o magnífico traballo Arquitectura popular en Galicia, volumes 1 e 2, nos anos 1981 e 1983; La arquitectura popular, no volume 2 da serie enciclopédica ?Galicia Eterna? (1984); e La vivienda popular gallega (1985); así como Razón e Construcción, no ano 1996. A eles haberá que engadir as achegas realizadas polo autor deste traballo: A casavivenda, extenso estudo publicado no tomo XXIII da Serie de Antropoloxía do Proxecto Galicia de Hércules de Ediciones (1997); dous libros na serie ?Cadernos do Museo do Pobo Galego?, cos títulos A casa popular e As construccións adxectivas (ambos no 1999); e a recente obra saída do prelo As construccións da arquitectura popular. Patrimonio etnográfico de Galicia (2003). Tamén nas últimas décadas saen á luz numerosas monografías, entre as que se deben salientar: sobre muíños, as realizadas por Pedro de Llano, Begoña Bas, Barros Justo, Leal Bóveda ou Elixio Rivas; sobre hórreos, Ignacio Martínez, Begoña Bas, Carlos García Martínez, Xosé María Lema, Pedro de Llano ou Leal Bóveda; de pesqueiras, o fermoso e completo estudo de César Portela; sobre pombais, alvarizas, ferrerías e cultura material da montaña luguesa os rigorosos traballos de Clodio González Pérez. Asemade, cómpre mencionar os ensaios desde o punto de vista das aproximacións teóricas, dos arquitectos GalleNº 365 24