BOLETÍN DA REAL ACADEMIA GALEGA
Eladio Rodríguez González
No mes de novembro de 1927 xa se piden subscritores para o diccionario, tanto desde o suplemento gratuíto da propia editorial:
?Suscríbase ô mellor Diccionario GalegoCastelán por Eladio Rodríguez González?.
como desde as páxinas da prensa americana:
A efectos de establecer el número de cuadernillos del ?Diccionario Enciclopédico GallegoCastellano? rogamos a nuestros lectores formulen desde ahora sus pedidos. El precio de los cuadernos no ha sido aún establecido aunque podemos adelantar que oscilará entre 50 y 60 centavos (CEL 1927).
Hai que ter en conta que o número posible de compradores sería máis ou menos coincidente con aqueles que xa estaban subscritos ó diccionario da Academia, e en vista do resultado seguramente fosen bastante reticentes. De aí que un ano despois se siga insistindo nas subscricións:
Como craramente se adiviña resulta unha obra d'unha extensión enorme e por eso o único xeito doado de dala â luz é imprentándoa por coadernos. Dese xeito ?Nos? vai comenzar a dirixir circulares para asegurar de momento un necesario número de suscritores. Os cadernos serán quincenais ou decenás según conveña para o rápido remate da obra e abonaránse adiantados os dez primeiros, ou sexan dez pesetas. Sairán con toda regularidade e con compreta garantía para os suscritores (ANT 1928).
Finalmente, o prezo establecido para cada caderno foi dunha peseta, mais a obra non saíu adiante, posiblemente pola falta de subscritores e por ser un proxecto demasiado arriscado a publicación en volumes, sobre todo para unha empresa de recente creación.
O Diccionario de D. Eladio Rodríguez González constará de dous a catro tomos, o que non ten d'estrañar a ninguén, sabendo que e unha verdadeira enciclopedia de cousas específicas da Galicia. Lendo este Diccionario, terase un craro conocemento non somente da nosa lingua, senon dos nosos costumes, das nosas tradicións e das diversas formas do traballo galego. [...] E como moitos destes tomos dificilmente poderán ser adquiridos por moitos d'unha vegada, pra facer mais doada a sua adquisición, vai comenzar a editarse o Diccionario de D. Eladio Rodríguez González por coadernos quincenais, que sairán periódica e regularmente, como si se tratase d'unha revista, o prezo correspondente d'unha peseta cada un. Rematados os coadernos correspondentes a cada letra, o autor, co'as indicacións razoables que lle fagan os leitores sobre falta de palabras d'interés ou de
Nº 362
110