Eladio Rodríguez González
BOLETÍN DA REAL ACADEMIA GALEGA
Os diccionarios paralelos e a proposta para que o DRAG leve o nome de César Vaamonde Ó se cumprir vinte anos da creación da Real Academia Galega, o seu principal obxectivo, o diccionario, seguía sen estar rematado e a necesidade de posuír unha obra lexicográfica era cada vez era maior. Para encher este baleiro comezan a aparecer os anuncios de distintos diccionarios. Así a editorial Lar, propiedade de Carré Alvarellos e Ánxel Casal, anuncia nos primeiros meses de 1926 a saída do diccionario de Leandro Carré.
Ante a necesidade, endexamais como agora sentida, d'un Diccionario Galego, e visto que o da R. Academia Galega tardará ainda moitos anos en se dar romatado ... a Editoiral Lar vai encomenzar axiña a imprentación d'un novo Diccionario GalegoCastelán moi compreto, que seguramente será ben acollido (ANT 1926).
Tamén a fins do mesmo ano se fala xa da inminente publicación do diccionario de Eladio Rodríguez. Cómpre lembrar que os dous formaban parte da Comisión do DRAG de 1924 e que Eladio Rodríguez era presidente da Academia cando se dispoñía a publicar o seu.
Tiene a punto de terminar un gran diccionario gallegocastellano. Es posible que llegue a las dos mil páginas. En él recoge nuestros modismos, decires, refranes, supersticiones, hasta leyendas breves. Lo tiene ya en las últimas letras y está en busca de editor. Será una obra de las más completas que tengamos. Se empeñó en hacer una obra dura y lo ha conseguido plenamente. Todos estamos deseando verla publicada. En la actualidad es Secretario de la Academia (Lesta Meis 1926).
Ánxel Casal será o editor que Eladio Rodríguez andaba buscando, ó se separar de Leandro Carré en 1927 e crear a editorial Nós. Se Lar remataba a súa andaina coa publicación do diccionario do seu propietario, Casal intenta iniciar a súa co gran proxecto do DEGC de Rodríguez González, o que indica que a demanda que podía ter unha obra destas características era real e efectiva. Cando a prensa anuncia a creación da editorial Nós, o DEGC aparece como un dos seus primeiros proxectos para competir, probablemente, coa publicación do de Carré.
Don Angel Casal va a fundar en La Coruña una nueva editorial galleguista bajo el simpático rubro de ?Nós?. [...] En sus talleres tipográficos seguirán editándose las revistas ?Nós? y ?A Nosa Terra?. Muy en breve comenzará la publicación del notable diccionario gallego de don Eladio Rodríguez González en forma de cuadernos que han de salir a la luz mensualmente (RCG 1927b).
109
Nº 362