MANUEL MURGUÍA
207
todo o máis ?una lengua antigua venida a menos?), ó tempo que defende o castelán como lingua nacional. No discurso típico do tempo, lexitima a asimilación lingüística en nome dunha inexorable 'lei do progreso' e a consecuente e benéfica 'tendencia á unidade'. Criticando os galeguistas, sinala coa súa característica agudeza que ?el gallego no lo hablan los que lo escriben?. Pero o que indignou profundamente a Murguía, máis ca este escrito, foron os conceptos despregados no discurso pronunciado na velada a Rosalía, no que dona Emilia expresa as súas dúbidas respecto á ?utilidad y porvenir? da ?literatura regional?, da que en todo caso, ?en el terreno político? se desmarca con rotundidade. Máis aínda, a condesa considera o castelán ?nuestro verdadero idioma?, incluíndo no n u e s t ro os poetas galegos que ?en ocasiones se limitan á versificar ideas pensadas en castellano y laboriosamente traducidas al gallego?, de onde a impugnación do galego literario como ?reconstrucción artificiosa que le impuso la circunstancia de hallarse aquí casi olvidada el habla antigua entre las personas capaces de prestar atención á los asuntos literarios?. Tamén se refire dona Emilia ás celebracións e ós actos literarios que tanto pulo lles estaban a dar ó cultivo e á publicidade do idioma do país (Hermida 1992a: 24044) como ?insulsos Certámenes, hoy accesorio obligado a todo festejo público?. Consonte coa súa elaborada defensa da diglosia funcional, pola que se vedaba ó galego todo avance máis alá dos estreitos límites da expresión dialectal, a Condesa de Pardo Bazán valora os C a n t a res moi por riba das Follas13 e xeneraliza sobre ?el carácter verdadero de este renacimiento regionalista, donde forzosamente ha de dominar el elemento idílico y rústico, por virtud de la lengua?, asegurando, con aceno de aprobación, que ?las poesías gallegas que gustan y se aprenden de memoria no son las que alardean de hondas y cultas, sino las que brotan, sin estudiado aliño, del vivo manantial popular?. Da réplica de Murguía a dona Emilia (Murguía 1896b), obviamente non nos corresponde valoralos aspectos máis persoais, nos que o noso autor se estende con non disimulada delectación14. Emporiso, é difícil non concordar co primeiro cando pon de vulto o pésimo gusto que a condesa evidenciara ó aproveitar xustamente a velada fúnebre en honor de Rosalía para demorarse na censura ós ideais lingüísticoliterarios e desenvolver unha crítica bastante severa ó labor creativo da finada; aínda que concedesemos (o que Murguía