236
BOLETÍN DA REAL ACADEMIA GALEGA
mico en España, por parte da Real Academia de la Historia (Ayarzagüena 1992: 389). Galicia, nembargantes, afastada dos centros de investigación, mantense relativamente á marxe destes progresos, e só Leandro Saralegui y Medina e, máis especialmente, José Villaamil y Castro, manifestan verdadeira vontade de profundar no coñecemento da máis remota Prehistoria galega. Pero os seus traballos de campo serán esporádicos e, polo tanto, os seus achados dunha relevancia relativa. É esta a consideración de Manuel Murguía, quen, nestes anos, parece recibir informacións desiguais sobre as recentes indagacións da arqueoloxía prehistórica. Así, amosa un maior coñecemento dos descubrimentos e debates do estranxeiro que dos que tiñan lugar no seu Estado, xa que só cita os traballos de Villaamil na Cova do Rei Cintolo e na Furada dos Cans (1888: 26ss.), pero ignora os desenvolvidos no resto de España (sobre este tema, cfr. Ayarzagüena 1992). Isto lévao a recomendar prudencia nas conclusións tiradas a partir duns datos tan fragmentarios, e tamén a presentalas súas primeiras dúbidas sobre a fiabilidade da investigación arqueolóxica. Con respecto a estes estudios sobre os tempos máis remotos dirá que ? l a s a n s i a s q u e e n g e n d r a ro n f u e ro n t a n grandes, que los éxitos no pudiero n c o r responder á lo que se esperaba? (1901: 445). Non podemos saber ata que punto Murguía non tivo a oportunidade de saber cánto se estaba a descubrir do Paleolítico ou se en realidade preferiu ignorar tales achados conscientemente, pecando dunha ?erudición selectiva?, porque non lle conviñan á súa argumentación celtista e nacionalista. É coma se fose minguando a súa confianza na disciplina arqueolóxica cando se decata de que esta pode valer para ratificalas túas teses pero tamén para contradicilas. Neste sentido, se na primeira Historia de Galicia (1865) simplemente semella descoñecelo Paleolítico e o home cavernícola, a partir dos anos oitenta pecha os ollos ante unha poboación precéltica negroide e simiesca da que os galegos quere pensar nada conservamos.
¿Importa tanto acaso saber el cómo y en qué tiempo, que hayamos por eso de engolfarnos en el estudio de esas edades remotísimas, en que todo es fácil suponer, desde la existencia del antropopiteco hasta los excesos de una acentuada antropofagia? No por cierto (1888: 1718).