MANUEL MURGUÍA
235
dunha intervención arqueolóxica é nun traballo de Bernard de Montfaucon publicado en 1719 (Trigger 1992: 60), e o esquema ficará definitivamente establecido despois de 1836, cando C. J. Thomsen publique A Guide to Nort h e rn Antiquities e se instaure o seu ?Sistema das Tres Idades? (Renfrew e Bahn 1993: 25). Pero en Galicia non había nada que axudase a soster tal idea. Murguía debe conformarse co que ve, e o que ve son artefactos de pedra e metal mesturados nas coleccións privadas, e unhas enormes rochas que forman as arquitecturas máis antigas que coñece, e que dificilmente puideron arrincarse a non ser con instrumentos de metal. A estas probas engádeselle o achado dunha serie de gravuras, que el considera letras, e que ? n o s d i c e n c l aramente que los que alzaban estos rudos monumentos de piedra, usaban utensilios de hierro, pues sin ellos no hubieran podido grabar dicha inscripc i o n ? (1865: 518519, 1888: 21, 1915b). Atopámonos de novo, polo tanto, ante dificultades prácticas que son as que en maior medida obstrúen unha investigación cabal. OUTROS ÁMBITOS DE INTERESE ARQUEOLÓXICO Aínda que, polos motivos aducidos antes, a investigación arqueolóxica murguiana se centrou en mámoas e castros coa cultura material asociada, e foi nestes eidos onde acadou os meirandes logros interpretativos, as outras etapas históricas non foron totalmente alleas ó seu interese como arqueólogo. Daquela, non podemos rematar esta análise sen antes detérmonos sucintamente sobre o que Murguía escribiu, desde unha perspectiva arqueolóxica, acerca das épocas anterior e posterior ós celtas. Na segunda metade do século XIX, a raíz dos descubrimentos de Boucher de Perthes no val do Somme e do comezo da difusión das teorías de Darwin, vaise formulando en Europa un debate serio sobre a antigüidade do home e, paralelamente, definíndose a Prehistoria como disciplina científica. Estes estudios introduciranse lentamente en España, da man de Casiano de Prado y Vallo e, sobre todo, de Juan Vilanova y Piera (Ayarzagüena 1990a, 1990b, 1990c, 1992: 128ss., Pereira 1997b). Deste xeito, máis vinculada á Xeoloxía e ás Ciencia Naturais que á propia Historia (DíazAndreu e Mora 95: 29), a ciencia prehistórica ábrese camiño para acadar, a finais do século, recoñecemento acadé