234
BOLETÍN DA REAL ACADEMIA GALEGA
historiadores decimonónicos galegos de forxar, co forte vínculo entre celtismo e cultura castrexa, un verdadeiro lastre para investigacións posteriores. Non o imos negar, pero si que debemos admitir que, cando menos, Murguía é capaz de manter este vínculo sobre a evidencia arqueolóxica que se lle presenta. Así, terá a ousadía de afirmar: ?Los castros son célticos: no tememos decirlo á pesar del descrédito en que ha caído la teoría que todo lo antiguo re f i e re al pueblo celta?, pero xustifícao con datos arqueolóxicos: a aparición en castros de inscricións romanas dedicadas a deuses célticos o cal, ademais, contradí o ateísmo que Estrabón atribuíra a estes pobos, a comunidade constructiva dos castros coas fortificacións doutras nacións célticas e, finalmente, a presencia, en moitos castros, de supostas mámoas, que ratifican a contemporaneidade de ambos vestixios (1865: 527). Con respecto a estes ?viejos túmulos que atestiguan la vetustez del Castro que los abriga? (1888: 60), é posible que Murguía, trabucado, considerase mámoas os montóns de terra que cubrirían as cabanas castrexas, tal e como xa se suxeriu (Pereira 1998: 50). Neste caso, unha vez máis, teriamos que achacala imprecisión murguiana á carencia de traballos arqueolóxicos rigorosos. Outro erro salientable da interpretación arqueolóxica de Murguía é o que atinxe ó ritual funerario céltico. Continuando a liña de explicación que iniciara o Padre Sarmiento (Cfr. Sarmiento 1850: 73, 1975: f.26), cre Murguía que o proceder habitual cos mortos sería o da incineración. Nembargantes, de novo estamos ante unha lectura que, aínda que errónea, parte da evidencia material, xa que nas escasas mámoas rexistradas naquela época non aparecen ósos hoxe sabemos que pola acidez dos nosos terreos, pero si restos de carbóns e cinsas (1865: 487ss.), e posibles urnas cinerarias vasos campaniformes (1888: 565). Finalmente, Murguía enganouse tamén cando considerou que a metalurxia era, no mundo céltico, tan antiga como o traballo da pedra: ?Conocían el uso de los metales, por mas que algunos anticuarios hayan querido suponer que existió anteriormente un período de piedra, stone period, al cuál fue ageno s u c o n o c i m i e n t o ? (1865: 396397). A existencia dunha Idade de Pedra anterior á dos Metais fora xa suxerida por Tito Lucrecio Caro no século I a.C. A primeira vez que se firma isto a partir