Estudos e investigacións sobre Xaquín Lorenzo Fernández
BOLETÍN DA REAL ACADEMIA GALEGA
xugo do país [a?u?oðopaais]: O8, O16. [a?uhoðopaais]: O16. Véx. mapa núm. 9 Non se pode facer unha distribución fixa das denominacións para designar este tipo de xugo, pero pódense sinalar certas tendencias na escolla dunha determinada denominación en función dos seguintes elementos: 1) A localización do punto de que se trate. 2) A competencia doutros tipos de xugo. 3) As características propias deste xugo. A denominación xugo coas súas variantes fonéticas encóntrase nunha extensión grande da área ocupada por este tipo de xugo. Poderiamos dicir, dun xeito xeral, que a atopamos en todos aqueles puntos onde, por non se coñecer outros tipos de xugo, non fai falla buscar nomes que o diferencien deles. É a designación xeral sen caracterizar, e encóntrase como tal moi estendida, sendo predominante e máis abundante cara á zona oriental, onde non encontra a competencia dos tipos que chamamos ?A? e ?B?. A denominación molida coas súas variantes fonéticas, así como os sintagmas nominais formados pola palabra xugo con outros cualificativos, tenden a ocupar as áreas laterais nas que este tipo de xugo se encontra convivindo con outros, ou nas súas proximidades. Nos puntos C1, C3, C5, L1, L2, L5, L6, P1, nos que se utiliza o sintagma xugo de molida, emprégase, amais do xugo ?C?, o xugo ?A?. Este feito da coexistencia de dous ou máis tipos obriga á procura de denominacións específicas para os distinguir, pois a designación xenérica xugo, utilizada indistintamente, non permitiría a diferenciación. Este mesmo feito explica a denominación xugo de molida en L22, L31, L36, P8 e P10, onde se coñecen os tres tipos de xugo, e en L30 onde coexisten o tipo ?B? e ?C?. Algo semellante acontece cos nomes molida en L4, L5, L14, L25 e L35, puntos todos eles nos que se utilizan dous ou tres tipos de xugo, e xugo da cabeza, en L26, onde se coñecen os tres tipos. O nome xugo do país de O8 e O16 explícase pola forma das mesas: o xugo do país tenas menos pronunciadas có xugo castellano. Por último, a designación xugo de palmela de O8 hai que incluíla entre as que se basean na forma e características propias do xugo de que se trata.
7. CONCLUSIÓN O xugo, como apeiro indispensable tanto na súa utilización co carro para todo tipo de transporte, coma con outros apeiros de labranza, é coñecido en todo o territorio de fala
155 Nº 365