BOLETÍN DA REAL ACADEMIA GALEGA
Vida oficial da RAG
Doazóns: ? Fotografías de varios actos en que participou a RAG ou os Académicos, de diferentes doadores. Depósitos: ? Partitura da Antiga Marcha Real de Galicia por Blanca González Docampo. PUNTOGAL O día 10 de xuño de 2006 constituíuse a Asociación PuntoGal coa fin fundamental de tratar de conseguir un dominio lingüísticocultural .gal en Internet, que lle dea visibilidade neste medio á lingua e á cultura galega. A Real Academia Galega non só apoiou desde o primeiro momento a iniciativa, senón que mesmo asumiu a presidencia da asociación na persoa do académico Manuel González González, e ofreceu a súa sede como domicilio social da asociación. Neste tempo a asociación levou a cabo unha intensa actividade en diversas frontes: a) Tratou de integrar na asociación os elementos máis representativos dos distintos sectores sociais: do mundo económico e empresarial, do mundo asociativo, do mundo universitario, do sector dos medios de comunicación, das administracións etc. b) Realizou un traballo de información diante do goberno galego, goberno de España e dos grupos políticos parlamentarios. Entrevistouse, entre outros, co presidente da Xunta, co vicepresidente, co conselleiro de Innovación e Industria, coa conselleira de cultura e coa secretaria xeral de política lingüística, e recibiu o apoio explícito de todos eles. Tamén se realizaron xestións diante dos tres grupos parlamentarios, que unanimemente salientaron o interese da iniciativa que dalgunha maneira fixeron tamén súa. Tamén se estableceron negociacións co goberno de España para que non poña obstáculos á iniciativa no momento en que a ICANN se dirixa a el para preguntarlle se ten algún inconveniente para a concesión deste dominio. O Secretario Xeral para a sociedade da información do Ministerio de industria comprometeuse a que o goberno central non poñería ningún obstáculo. c) Participou en todas as reunións da ICANN. Na reunión de Lisboa deulle a coñecer por primeira vez a este organismo a intención de solicitar un dominio .gal. Na de Porto Rico, Los Ángeles e París a asociación PuntoGal ralizou intensas xestións cos membros da ICANN, e nos foros públicos insistiu sobre a necesidade de que se estableza unha data definitiva para a apertura do prazo de solicitude de novos dominios, de que o prezo non sexa un obstáculo insalvable para os solicitantes, e sobre a conveniencia de incorporar progresivamente como linguas vehiculares da ICANN outras linguas distintas do inglés. Na reunión de París o logo de PuntoGal mereceu a portada dun xornal tan importante coma o International Herald Tribune. d) Foi importante tamén a actividade de difusión social entre a comunidade beneficiaria do futuro .gal, tanto en Galicia coma fóra de Galicia. Realizouse unha campaña de apoios individuais (con máis de 10.000 apoios neste momento), participouse en diversos eventos para dar a coñecer a iniciativa (Culturgal, Xuventude Galiza Net, Festigal?), e tratouse de difundir a iniNº 368 302