Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
de Cuveiro Piñol ou Men Rodríguez Tenorio (1890) de Manuel Amor Meilán (Ogando 2004)?, como introducindo o teatro social centrado na realidade contemporánea (Tato 1999: 49) Prosa e lingua falada Podería incluírse esta característica dentro do apartado das innovacións, por marcar un dos avances máis salientábeis a nivel formal na historia do teatro galego: a relevancia maior na utilización da prosa fronte ao verso, que até ese momento tiña dominado a literatura dramática do país18. Manuel Lugrís Freire dará o paso definitivo á prosa teatral, ampliando os horizontes da creación ficcional en lingua galega. Afirma na xa famosa ?Nota do autor? que antecede o drama:
A acollida agasalleira que tivo A PONTE próbanos tamén cánto se pode facer en ben do idioma gallego se os nosos escritores, os que verdadeiramente valen, queren saír da folganza en que se atopan. (1996 [1903]: 140)
En verdade, este importante paso insírese na liña de consciencia lingüística do autor, responsábel do primeiro discurso público pronunciado en galego (Campos Villar 2000: 25, López 2006b: 16), e dunha gramática da lingua galega (Sánchez Rei 2006) que continúa ao servizo da ?santa e xusta causa? como indica González Seoane (2006). En efecto, segundo este autor, Manuel Lugrís Freire concibe esta gramática ?como un instrumento ao servizo do ideario das Irmandades da Fala? e considera o idioma ?como elemento definidor da nación, por riba mesmo da raza ou do territorio? (González Seoane 2006: 101). Esta preocupación pola lingua aparece, como era de esperar, unida á preocupación pola literatura que, como símbolo máximo da maturidade e uso dignificador da lingua, será tamén, como veremos, obxecto de reflexión na procura dos elementos identitarios da nación galega. Pezas escritas para representar Malia non querermos insistir neste asunto, que xa foi tratado na descrición das pezas, lembramos que outra das características salientábeis do teatro lugrisiano é a proximidade entre a súa escrita dramatúrxica e a escena. Desde a primeira das súas pezas, A costureira d'aldea, observamos como todas están pensadas directamente para unha representación e son efectivamente representadas. Deste xeito, Lugrís, máis alá do primeiro dramaturgo de éxito da historia do teatro galego, preséntasenos como o primeiro dramaturgo verdadeiramente consciente das posibilidades do espectáculo escénico. A partir dos trazos que presentamos até agora colíxese que, como subliñan diversos estudos19, a obra de Lugrís supuxo unha vía de comunicación co público galego, conexión inexistente na case totalidade das obras anteriores do período rexionalista. Lugrís consegue tratar os temas e a lingua da maneira máis achegada ao público medio dispos91 Nº 367