BOLETÍN DA REAL ACADEMIA GALEGA
Estudos e investigacións sobre María Mariño
revélase incluso cando emprega termos máis connotados de valores relixiosos, como é o caso de Deus, indeterminado polo artigo no verso ?As néboas que baixaban á Terra ferida polo / Deus que deixara o tempo, laiando? do poema 24 de Verba que comenza (192) ou de Virxe, que é en realidade unha transposición categorial do adxectivo a substantivo, que denota a mencionada elevación espiritual e transcendente da materia e das súas calidades: ?Recende a terra a Virxen.? (?Pica o canteiro pedra?, de Palabra no tempo, 90); case o mesmo ocorre coa mención do ?Esprito amigo? ó que se evoca no poema 3 de Verba que comenza (151) e que é, en esencia, o espírito da natureza. Á par, as entidades concretas, como por antonomasia son as receptoras da mensaxe da poeta, posto que é a elas a quen invoca, son tamén os emisores que a informan e de quen obtén o coñecemento. Esta tendencia á materialización do espírito ou ben, por ser máis precisos, á transcendentalización da materia, fainos pensar que a escritora non pretende reducir a súa expresión ós esquemas do dogma cristián, aínda que atope nos seus referentes un xeito de mención do continuo ou da totalidade que lle facilita a súa tarefa. Neste sentido, en ocasións ocorre que a noción adoptada pola autora resulta en si insuficiente ? paradoxo do concepto do absoluto que non pode aludir ó absoluto?, polo que é modificado, incluso lexicamente, en amalgamas complexas como a que observamos no poema 33 de Verba que comenza ??¡Cantos alentos pra unha fosaDeus!? (208)?, onde a noción da divindade aparece ampliada coa imaxe descendente e escatolóxica da fosa. É, logo, a súa, unha experiencia libre e heterodoxa, marxinal no sentido de que non pertence a sistema de crenzas ningún, e fronteiriza tamén en tanto que tal experimentación dos extremos da realidade só se pode dar, como veremos, no territorio da periferia. É tamén unha experiencia materialista e pannaturalista, e é este un dos trazos que máis abundantemente se ten sinalado en relación coa autora, xa dende as primeiras interpretacións de Novoneyra, pasando polas de Fole, Manuel María, LópezCasanova, Méndez Ferrín ou Victoria Sanjurjo, como explica Carmen Blanco (2007). Esta autora incluso fai unha achega máis aludindo a unha particularidade da vivencia natural de María Mariño, apuntando ó sensualismo e incluso masoquismo con que a poeta é penetrada pola natureza, condición, segundo a estudosa, propia da mística de raizame feminina (2007: 89)7. A contemplación da natureza é un motivo desencadeante da vivencia mística, consecuencia directa da mesma, posto que se establece, como diciamos, nunha especie de diálogo ou intercambio entre ela e a autora. A peculiaridade, como xa queda dito, é que a comunicación só se produce na medida en que a natureza desata as manifestacións do oculto. Porque se trata dunha comunicación involuntaria para o místico, infusa, aínda que, non obstante, este debe pór da súa parte unha predisposición para a chegada dese misterio comunicado, en forma de baleiramento da vontade. Victoria Sanjurjo (1994: 45) fai unha lectura da relación de Mariño coa natureza a partir das claves psicolóxicas establecidas por Domingo García Sabell para a comprenNº 368 22