Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
?O primeiro cacique?43, asinado por Asieumedre e dedicado ?A Alfonso de Cal, meu amigo?, segue a mesma temática anticaciquil de boa parte dos contos anteriores. ?Lenda de Brigo?44 foi outro dos textos que Lugrís incluíu no apéndice en prosa do seu poemario Ardencias e que, neste caso, está asinado polo ortónimo. Sinatura que comparte co derradeiro45 texto narrativo de Lugrís Freire, o titulado ?Solidaridade?46. Cómpre salientar a inclusión do relato titulado ?O verbo? dentro da Gramática do Idioma Galego que publicou o escritor de Sada no 1922. Este texto figura na sección de ?Mostras literarias? ao lado de mostras de autores como Florencio Vaamonde Lores, Uxío Carré Aldao, Manuel Murguía, Alfonso R. Castelao, Rosalía de Castro, Eduardo Pondal, Manuel Curros Enríquez, Salvador Golpe, Urbano González Varela, Ramón Cabanillas e Evaristo Martelo Paumán, nun claro intento de canonizar a estes autores e, xa que logo, canonizar tamén a Asieumedre como narrador de relevancia. Esta etapa narrativa de Lugrís caracterízase pola aparición dunha segunda edición dos Contos de Asieumedre no 1920, pola presenza de múltiples reproducións dos textos das primeiras etapas e polos escasísimos textos narrativos novos, características que cremos xustificadas polo devalar da loita agrarista, verdadeiro motor da narrativa lugrisiana, e pola participación do noso autor noutros proxectos: o Seminario de Estudos Galegos, o pulo ao teatro dado polas Irmandades da Fala, a publicación da Gramática e dos derradeiros volumes poéticos, entre outros motivos particulares. AS EDICIÓNS PÓSTUMAS. Despois da morte de Lugrís no 1940 a literatura galega quedou escurecida e silenciada pola máis dura represión franquista, mantendo unicamente unha actividade destacada no exilio americano. A difusión da obra e da vida de Lugrís non foi unha excepción a esta situación, xa que o noso autor reunía a tripla condición de nacionalista, republicano e masón, que non o convertían en ?persoa non grata? para o réxime. Deste xeito, hai que agardar a 1970 para termos unha nova edición dos seus contos. Trátase dun volume de peto titulado A carón do lar, no que xa se identifica como autor na portada a M. Lugrís Freire, que saíu dos prelos de Edicións Castrelos de Vigo, como o número 17 da colección ?O moucho?. O libro, que prescinde das ilustracións que se fixeran nas edicións anteriores, debeu ter un éxito notábel posto que contou cunha segunda edición datada en maio de 1973. A carón do lar, que inclúe os seguintes relatos por esta orde: ?O verbo?, ?A nogueira?, ?O primeiro sangue?, ?Axúdate?, ?¡A xusticia!?, ?A libertade?, ?¡Boa proteición!?, ?O vimbio e mais o pino?, ?O xiro do sancristán?, ?Os lobos?, ?con polaina e media?, ?O escarmento?, ?Ir por lan?, ?¡Bótelle terra!?, ?A honradés?, ?Os dous abogados? e ?A mitá en cartos?, está precedido dunha ?Nota dos editores? que se ten atribuído a Xosé María Álvarez Blázquez, por ser un dos responsábeis desta colección, na que, ademais dun breve comentario biobibliográfico sobre a figura de Lugrís, vértense estas opinións sobre a súa obra narrativa:
49 Nº 367