Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
namos, a lingua galega, a defensa a ultranza do galego e de todas as manifestacións públicas que poidan utilizalo. Resulta de grande interese a alusión á literatura que aparece na nota inicial ?que xa foi comentada a propósito da preocupación pola fala? d'A Ponte, cando Lugrís anima a que outros, ?aqueles de quen Galicia ten dereito a pedirlles días de groria para as patrias letras? sigan o seu exemplo, co obxectivo de ?erguela nosa literatura da deixadés en que está?. Aínda que de maneira tanxencial, tamén se observa a preocupación que Lugrís ten por unha das artes dignificadoras da lingua con máis éxito na configuración identitaria dos séculos XIX e XX. CONCLUÍNDO Desta maneira, podemos concordar coas valoracións de todos os estudosos até agora citados cando poñen de relevo a enorme significación da obra dramática de Manuel Lugrís Freire, tanto desde un punto de vista formal como desde unha perspectiva fundacional da literatura ?neste caso da literatura dramática en lingua galega. Lugrís é moi consciente, como xa vimos, da necesidade de que as pezas consigan chegar ao público e transmitir a mensaxe última de que o teatro debe ser realmente ese instrumento de comunicación que Carré Aldao apuntará na súa Memoria críticobibliográfica sobre el Teatro Regional Gallego:
Entre todas las manifestaciones externas que más hieren la imaginación de las multitudes, y por consiguiente mayor influencia ejercen en su espíritu, siendo las adecuadas para toda educación o propaganda, ninguna otra mejor ni más directa que las representaciones teatrales. (2006: 23)
Como afirma Ramón Máiz ?a partir de 1891, cultura e política non serán senón dúas fases da mesma movilización? (apud Pillado Mayor 1991: 42). Xa adiantabamos que neste autor atopabamos non só o máis lúcido dramaturgo do primeiro terzo do século XX, senón tamén un pensador dramático que, mesmo sen nos deixar textos teóricos, conseguiu construír e transmitir unha nova visión do teatro en lingua galega e, metonimicamente, de Galiza. De aí a especial importancia da recuperación que a súa figura supón, porque máis alá da calidade literaria dos textos, é necesario recuperar a memoria dos escritores, dándolles a importancia que merece o seu labor intelectual e describindo a súa procura de novidades e camiños para reconstruír unha identidade e estabelecer un novo espazo público comunitario. E neste sentido, Manuel Lugrís Freire é, sen dúbida, unha das figuras máis importantes do século XX, inxustamente escurecido pola súa morte nunha altura en que se asentaba definitivamente unha etapa de silencios27.
99
Nº 367