BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
os monumentos e a arquitectura... axudan a establecer as características e limites da (nova) realidade nacional. Esta checklist é omnipresente ?de maneira máis ou menos explícita? en toda a obra teatral de Lugrís e na totalidade da súa produción cultural. Por exemplo, podemos ver unha particularización, case de tipo racial, na descrición que fai dos personaxes principais de Esclavitú (Pillado Mayor 1991: 130), obra onde Vieites identifica tamén un fragmento que podería corresponderse cun ?catecismo galeguista? (2006a: 48)
Cidre. Pois ben: d'entre aquel fato d'homes saeu un mozo alto, roxo, vivo de xenio, que deu lectura á us versos escritos na nosa fala. Lembraba as grorias galegas, á valentia da nosa casta, o lar ausente... ...Despois repartiu entre os soldados gallegos os versos que levaba imprentados.. alí falaba con antusiasmo da nosa terra, da pátria gallega, que para nós debe sela verdadeira... e, inda que non teño nada de valente, naquel momento daria a miña vida por ela.
En xeral, o teatro de Manuel Lugrís Freire ten como principal obxectivo o recoñecemento e reafirmación das esencias galegas (Vieites 2005: 172), configurando a aldea como gran depositaria da esencia nacional (Vieites 2003: 204205; Montenegro 2006: 36). A arquitectura é a tradicional;
A escena representa unha eira, con palleiro, cabazo, un feixe de molime, trebellos de labranza, etc. Arboreda no fondo, e no cume d'un couto seria comenente que se vira un pazo gallego. (...) Antes de s'erguere o telón, síntese de lonxe a alborada que tocará un gaiteiro. (O Pazo 1917: 4)
e sono tamén de forma dominante as vestimentas, que se corresponden ao xeito de vestir ?das Mariñas de Betanzos?. Aparece así mesmo, como se observa na cita anterior, a música tradicional. Como veremos a seguir, esta checklist amplíase se analizamos o conxunto da súa obra literaria e cultural. No caso do xénero teatral obsérvase unha tendencia cara ao costumismo e cara ao teatro social, polo que os elementos identitarios non só afirman o polo galego senón tamén o polo dos humildes, facendo unha identificación clara que só se verá interrompida polas figuras dos fidalgos bos: o que aparece n'A Ponte, D. Rafael, personaxe ausente que paga a fianza de Pedro na Coruña e, en palabras de Antón;
tan amigo é dos labregos e sempre fala coma nós, porque di que na fala gallega aínda non se fixeron falcatruadas, nin se escribiron as notificaciós de embargos nin se estenderon os recibos das contribuciós, [e] foi quen traballou porque Pedro salise do cárcel. (1997 [1903]: 147).
Tamén contamos, n'O Pazo, co fillo do fidalgo, Pedro, o protagonista masculino da relación sentimental que, como xa vimos, metaforiza un novo tempo ao ligar a súa liñaxe ao sangue labrego enxebre. E como símbolo máximo da esencia galega, xa o mencioNº 367 98