Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
Guerra da Independencia en Galicia? como aqueles que fan referencia a aspectos literarios, especialmente á figura canonizada, parte do panteón literario galego: Manuel Curros Enríquez25. Xa dixemos que a literatura era un factor máis na procura de elementos definidores da esencia galega, principalmente como dignificadora máxima no uso da lingua pero tamén como acompañadora da historia cultural da nación. Lugrís Freire parece moi consciente disto, mesmo para considerar de moita importancia a colocación na xinea literaria galega a literatura portuguesa, especialmente na figura de Luís de Camões (Campos Villar 2000 e, nomeadamente, Dasilva 2006). Precisamente Xosé Manuel Dasilva (2006: 82 e ss.) comenta as apreciacións que sobre o Poeta fai Lugrís Freire no seu discurso, e ofrécenos datos moi interesantes sobre o acto organizado pola Real Academia Galega, ao que convidan tamén ao Marqués de Figueroa, relacionado co teatro de Galo Salinas e A Torre de Peito Burdelo, un texto fundamental do teatro rexionalista. Así pois, a procura das esencias nacionais e a súa aprendizaxe é, sen dúbida, a máis relevante característica de todas as que podemos observar na análise dos seus textos, por subxacer a todas as outras que até agora analizamos. Non é casualidade que, dentro dos traballos de Vieites (2003 e 2005) sobre os procesos de configuración do sistema teatral galego e o papel do teatro na época rexionalista como elemento de educación nacional, a obra de Lugrís Freire apareza como unha das máis interesantes e produtivas26. É de feito este mesmo autor quen lembra (2006a: 89) a significación que teñen as referencias que Lugrís fai a Schiller e, nomeadamente, a Johann Gottfried von Herder na súa resposta á enquisa que a revista Vida Gallega fixo a varios persoeiros da cultura galega no ano 1929. En efecto, Herder é sen dúbida un dos grandes responsábeis teóricos da conformación nacional a través da cultura e das esencias populares dos diferentes territorios e colectivos, dando lugar ao que Pascale Casanova (2001: 106 e ss.) chamou a ?revolución herderiana?: o proceso de lexitimación da nación mediante a recuperación ou dignificación dos elementos peculiares que se consideraban propios das clases populares ?as menos contaminadas naquela altura, como xa dixemos, pola expansión cultural do imperio francés e da súa lingua vernácula. Esta mudanza no paradigma cultural e mental da época é a que explica a configuración europea das nacións que fai corresponder ?de maneira teórica, claro está? unha lingua e unha nación, e a que abre as portas para as reivindicacións nacionais, as das linguas concorrentes coa francesa en primeiro lugar, e ás linguas e comunidades minoritarias nun segundo lugar, non opostas xa ao dominio cultural galo senón ás novas configuracións identitarias que se estableceran como dominantes, mediante as fórmulas de naciónestado ao longo do século XIX. Esta lexitimación estrutúrase na asunción dunha nómina de elementos propios da nación, unha especie de checklist, como é denominada por AnneMarie Thiesse (1999: 14 e ss.), onde todos os elementos, dende o himno até o folclore, pasando pola lingua,
97 Nº 367