BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
Lugrís representa a figura do intelectual (Vieites 2006a: 52), a toma de posición do activista nun sistema que sabe moi incipiente. Neste sentido poderemos atopar unha concomitancia, salvando as distancias, coa figura e o teatro de Joaquín Dicenta24, de quen afirma JoséCarlos Mainer:
Nuestro Joaquín Dicenta padeció (...) la dificultad de aquellos reajustes finiseculares: la necesidad de encontrar las raíces populares del drama; el deseo de reflejar pasiones e ideas trascendentales; el urgente paso del verso a la prosa como vehículo del teatro moderno, y, como fondo de todo esto, la aspiración de hallar el lugar ?independiente y crítico? del intelectual en la sociedad moderna. (1972: 31)
A traxectoria lugrisiana desde a etapa cubana até o retiro final na súa casa demostra unha fonda preocupación por Galiza e pola súa realidade, interese que se traduce nunha serie de actividades que mudan co paso do tempo, aínda que se superpoñan ao longo de toda a súa vida. No seu regreso a Galiza, cómpre lembrar por exemplo a súa rápida incorporación e pertenza ao grupo da Cova Céltica, grupo do que dixera, como sinala Henrique Rabuñal, que
fora a sua universidade livre, o foro intelectual em que se educou e no que se fortaleceu decisivamente o seu compromisso galeguista. Será também este o foro onde tome consistência o projecto de fundar a Escola de Declamaçom. (1994: 49)
Comprométese polo tanto a contribuír na configuración diferenciada de Galiza, como de feito xa tentaban os rexionalistas da época (Tato 1999), movemento no que se insire tanto a nivel cultural como a nivel político (Beramendi / Núñez Seixas 1996: 62 e ss.), pero tamén a ensinar esa configuración, e a transmitila mediante a palabra (Vieites 2006a: 91 e ss), labor para o que a literatura é vehículo privilexiado. Ese compromiso mantense constante ao longo da vida intelectual de Lugrís. E semella que tamén así foi percibido na altura, como indica esta nota ?asinada por un ?Pardo de Cela?? que no Eco de Galicia aparece o 20 de xuño de 1917 co gallo da fundación da Irmandade da Fala da Coruña e afirma:
Esta patriótica institución es la depositaria del fuego sacro que arde en las entrañas de nuestro pueblo, y es obra de gallegos enxebres, de patriotas probados a cuyo frente figuran los dos apóstoles de la reivindicación de la personalidad de nuestra tierra, Manuel Lugrís y Villar Ponte. (apud Campos Villar 2000: 29)
Esta reivindicación é patente na poesía, instrumento de exaltación moito máis libre e aberto para o pensamento de Lugrís Freire, onde encontramos ideas moito máis avanzadas (Pillado 1991), con textos (VázquezMonxardín 2006, López 2006b: 323) que exaltan figuras propias da historia de Galiza como o Mariscal. Presenta deste xeito as características necesarias para a creación e a transmisión da literatura nacional. Acontece tamén cos contos, tanto de tema pseudohistórico, como ?Pola Patria. Episodio da
Nº 367 96