Manuel Curros Enríquez
BOLETÍN DA REAL ACADEMIA GALEGA
(?o eiscelso esprito que viveu loitando / contra o mostro feroz das tiranías?) non só ós poetas do exilio exterior senón tamén ós do exilio interior: inspire as voces dos aedas novos que sorcan na Terra ou pelegrinan.
3. Outros poetas da Diáspora galega A comezos de 1952, Galicia (o semanario da Federación, tan belixerante co franquismo), publica ?Ó mestre (Curros)?16, poema asinado por ?Asimedres? en ?A Cruña, xaneiro de MCMLII?. Trátase dun escritor que escribe no exilio interior e que publica, sen identificarse (tal era o risco), no exilio exterior. O poema, literariamente ben frouxo, contén versos coma estes: Agora que xa estás no mundo da Verdade, faime chegar, ¡ouh Mestre!, canto debo decir eu, pra escribir entón con toda libertade o que faguer debera Galiza ó bardo seu. Non sabemos quen é ?Asimedres? a quen non se debe confundir con ?Asieumedre?, que é Manuel Lugrís Freire, poeta doutras virtudes. Emigrante é Bernardo Souto que publica, no mesmo periódico, en 195117, nun número dedicado ó noso poeta, ?Dende o ceo da Túa Inmortalidade?, onde estampa afirmacións coma esta: Cómo doen a túa señardá i os teus alterosos soños, herdo querido i anceiado, a carón da paisaxe entrañábel, humán, decote verde, i arestora irta e desolada. En 1958, cincuentenario da morte do Rebelde, un poeta exiliado en México, Florencio Delgado Gurriarán, envía ó mesmo semanario o poema ?Galiza ergueita?18 dedicado ?A Curros, poeta da libertade, no meio século do seu pasamento?. Dirixíndose a Galicia, descríbea así: pois voltas a sofrer o pesadelo que outrora impuxo a Curros a pauliña.
145
Nº 362