BOLETÍN DA REAL ACADEMIA GALEGA
Manuel Curros Enríquez
Pero o autor, dirixíndose a Curros Enríquez, expresa esta esperanza: Mais isto ha de findar, ¿nonsí, poeta? que fitas dende o alén prá Nai doorida. Finalizamos este traballo cun soneto, inédito, de Avelino Díaz (Santa Comba de Orrea, Riotorto, 1897Buenos Aires, 1971): A CURROS ENRÍQUEZ Terías que voltar a istes amentes a desfacer os erros coas verdades diutando túa leución ás mocedades e sinando as consinas ós valentes. Ti, que dabas ensinos tan podentes, o bon grau sementando nas herdades e pulo lles donando ás liberdades, retorna pra ceibar novas sementes. Terías que chegarte ós nosos días pra facer, coma un férvedo Isaías, as rexeitas dos vezos i os pecados. ¡Muita falla nos fai a voz reutora, pois quizabes non haxa nesta hora bardos que, coma ti, sexan ousados! Non sabémola data, que tamén ignora Marivel Freire19, especialista neste tema, a quen debo o soneto que veño de reproducir. Avelino Díaz, que tamén exercitou, ás veces, a musa civil, bota de menos, como outros poetas emigrantes do seu tempo, a voz ousada dun bardo como Curros Enríquez.
Nº 362
146