O P O E T A CURROS ENRÍQUEZ CONTRA FRANCO Xesús Alonso Montero
Ningún lector, por inocente que sexa, vai entender ad litteram o título deste traballo. En efecto, Curros, que falecera en 1908, cando Francisco Franco Bahamonde, con 15 anos, era un cadete na Academia de Infantería, non exercitou a súa pluma contra el. O poeta Curros Enríquez, que veu ó mundo para denuncialas eivas sociais e ós seus responsables, non utilizou a súa lira de bronce, por razóns cronolóxicas, contra a Galicia franquista. Sen embargo, a esclarecedora ?lira torva? de Curros vai estar presente, dalgún xeito, contra aquela tiranía e contra o Tirano. Nesas datas houbo poetas só interesados en facer poesía contra a infamia dos sublevados. Eses poetas, ó mirárense no espello da poesía civil galega, bateron, forzosamente, co máis ilustre dos seus cultivadores: bateron, fatalmente, co nome de Manuel Curros Enríquez, a musa cívica máis afiada e de máis talento literario do Parnaso galego anterior á Guerra Civil. Imos ver, neste traballo, textos poéticos nos que os seus autores invocan unha e outra vez o nome de Curros cal se implorasen os acentos da súa lira xusticeira para solidarizárense coas víctimas do infortunio político na ?Galicia mártir? e para execraren ós seus verdugos. Curros Enríquez o Curros dunha egrexia lira de bronce foi lembrado, evocado, añorado e, dalgunha maneira, convocado, polos poetas republicanos, para execrar a Franco e xostregalo franquismo.
1. Un versificador eficaz, digno de mellor sorte literaria: José María Acebo ¡MERCENARIOS DE LA PLUMA! EN RECUERDO DE NUESTRO POETA REBELDE CURROS ENRÍQUEZ. Tú ante nadie humillaste tu cabeza ni cantaste a los reyes ni a los papas. Tu musa fue el gemir de los humildes, el llanto de las madres y los parias. Si ahora vivieras, tronarías de nuevo contra los que asolaron nuestra Patria, y caerías sobre los traidores haciendo de tu pluma fuerte espada;
137
Nº 362