MANUEL MURGUÍA
107
vación do sistema que, en concordancia co resto desa ideoloxía, se coida óptimo ou mellor para o grupo humano en cuestión. Porén, e malia o peso insuperado de Murguía como ideólogo maior do galeguismo decimonónico, esta parte é a menos desenvolvida do seu pensamento, algo explicable pola considerable atrofia política ?que non ideolóxica? propia do provincialismo e do rexionalismo galegos. Con todo, nos seus escritos e pronunciamentos públicos esbózase, como non podía ser menos, un conxunto de remedios para eses problemas que detecta en función da súa particular visión do pasado e do presente do país. Nisto tamén hai claras diferencias entre o momento provincialista e o momento rexionalista da súa traxectoria. Durante o período isabelino, Murguía, como tódolos provincialistas, amosa unhas especificidades que en realidade son prepolíticas: a) a defensa, cultivo e difusión do redivivo galego literario; b) o estudio e glorificación da historia de Galicia; c) a preocupación polo ?carácter? dos galegos como factor condicionador importante da súa situación en tódolos ámbitos; e d) a actitude de afirmación da dignidade e da bondade de Galicia, fronte aldraxes externas reais ou supostas. En cambio, as súas actitudes propiamente políticas fican subsumidas no proxecto progresista español, iso si, en vea descentralizadora: vocación democratizadora do sistema político español e procura de procesos de modernización socioeconómica para superalo atraso, a pobreza da maioría e a emigración. E así, por exemplo, a mensaxe que emite La Oliva en 185657, da que Murguía era mentor ideolóxico, é de aberta oposición ós moderados e de preocupación continua polo atraso de Galicia, pola mellora da agricultura e a sorte dos labregos, pola promoción do ferrocarril, o telégrafo, o comercio, a industria e mesmo os anuncios, ?agentes de civilización?. E todo isto unido a unha actitude claramente galeguista, pois como dicía o seu prospecto anunciador de 15I1856 ?no que por certo, á parte de pedir ?el mayor bien para el mayor número?, actúa con moita forza o análogo irlandés? Galicia sería
Objeto preferente de nuestros pobres trabajos, contribuyendo a elevarla al rango que le corresponde [...] Porque Galicia fue olvidada hasta de sus propios hijos y aunque la Irlanda ha sido maltratada, cual acaso ningún pueblo de la historia del mundo, sus hijos no son más que u n o , tratándose de su querida patria: los de Galicia son sobrios, trabajadores y económicos, y se ven no obstante obligados a emigrar [...] a los de la famélica Irlanda sucede lo mismo [...]