MANUEL MURGUÍA
85
escarnece su idioma, ese pueblo dice al resto del mundo que ha perdido su dignidad!?. E aínda que nestes anos fale coma os demais de ?dialecto gallego?4, isto non lle impedirá sentala primacía cronolóxica e cultural da lingua galega sobre a castelá. En segundo lugar, postula sen reservas a existencia, non dun vago ?carácter? galego con luces e sombras como fan os seus compañeiros provincialistas, senón dunha auténtica personalidade colectiva, ou V olksgeist galego, do que tódolos compoñentes son positivos, como esixe a fundamentación organicista dunha nación. E isto implica, aínda que el non o exprese de momento, a irreductibilidade nacional desa comunidade a calquera outra. Segundo Murguía, o galego herdou do celta o amor á terra e o instinto case sagrado da súa posesión, a relixiosidade, a intelixencia, o lirismo, a capacidade de resistencia e a ausencia de agresividade ou de ansias conquistadoras. Por todo isto, ?el sentimiento de la raza [galega] que puebla estas regiones es diverso del de las comarcas que nos rodean? (pp. 11, 186). E xa sabemos que, para el, esta especificidade caracterioloxica e idiomática se debe en última instancia á orixe racial e á pervivencia desa raza celta en estado case puro. A confluencia de todos estes factores no pobo galego lévao a enumerala lista completa dos elementos constitutivos clásicos da nación, na súa versión orgánicohistoricista:
Sin que los geógrafos y historiadores antiguos nos hubieran señalado la existencia en nuestras comarcas de aquel pueblo, el aspecto de la mayor parte de sus habitantes, los monumentos, el dialecto, las costumbres, las inclinaciones, las manifestaciones todas de su espíritu, nos probarían el origen céltico de su actual población. (p. 910).
O referente afirmativo está, pois, completo e equilibrado nos diferentes tipos de compoñentes étnicos e históricos, aínda que a formulación sexa algo embarullada. Sen embargo, a ausencia ou a atrofia dos outros referentes impide de momento falarmos dun concepto murguiano de nación galega propiamente dita. En efecto, o referente de reintegración non aparece. Se ben recoñece a irmandade racial entre galaicos e lusitanos na prehistoria e o estreito parentesco idiomático e cultural posterior, faltan os laios por non lograr durante a Idade Media a unión de Galicia e Portugal. Mesmo se felicita de que tal