84
BOLETÍN DA REAL ACADEMIA GALEGA
romanizala relixión, ?puso empeño en borrar de la memoria de los vencidos todo recuerdo de su perdida nacionalidad? (p. 29), co que non amosa unha clara diferencia cualitativa entre n a c i ó n e n a c i o n a l i d a d e . En Galicia cumpríase e cúmprese a primeira condición, pero non a segunda (agás episodios breves e remotos). Por iso di que, no pasado, ?la vida política de nuestro país fue desgraciada: la falta de unidad le privó en los siglos medios de la felicidad de una monarquía propia y continuada, que le daría, sin duda alguna el carácter de nacionalidad que le falta?. E no presente, ?situado en una extremidad de Europa, separado de los pueblos hermanos por cadenas de montañas, con idioma propio, este antiguo reino tiene todas las condiciones que se necesitan para formar una completa nacionalidad. En cambio se ve obligado a permanecer estacionario? (pp. 185, 187). Aparentemente seguimos onde estabamos cos primeiros provincialistas. Pero non é así. Afirmar que Galicia reúne tódalas condicións para ser nacionalidade supón un salto cualitativo respecto de todo o anterior, aínda que lle falte unha tan fundamental como a independencia política. Pois as que xa ten veñen dadas pola historia e ou se teñen ou non se teñen, pero non hai maneira de adquirilas ou perdelas por vontade. En cambio a que falta si pode adquirirse ou perderse. Estamos, polo tanto, perante unha afirmación implícita ou latente da nacionalidade galega e n t e m p o p re s e n t e , aínda que Murguía non a faga patente. E non a fai a causa da importancia que lle segue concedendo ó factor político na definición nacional. Abondará con que elimine do seu pensamento este resto do concepto liberal de nación para que esa afirmación sexa plena. Pero isto terá que agardar á fase rexionalista. En todo caso, este avance é froito do desenvolvemento que experimenta nel o referente afirmativo. Lembremos que a limitación maior da idea de Galicia no primeiro provincialismo era o pouco peso da etnicidade, e concretamente do idioma, en relación co da historicidade. En Murguía este desequilibrio desaparece. En primeiro lugar, pon claramente de manifesto a importancia que lle dá ó idioma como elemento central da afirmación nacional, pois considera herderianamente (1856a) que cada lingua articula a realidade dunha maneira diferente, que deriva do peculiar modo de pensar e actuar de cada pobo (Davies, 1987, p. 162). Por iso clama (1859a): ?el pueblo que olvida y