Vida oficial da RAG
BOLETÍN DA REAL ACADEMIA GALEGA
Foi dedicado á personalidade do poeta Lorenzo Varela. Os actos conmemorativos do Día das Letras Galegas transcorreron na vila onde residiu o homenaxeado, en Monterroso. A sesión académica extraordinaria e pública tivo lugar o 17 de maio no Auditorio Municipal de Monterroso, coas intervencións dos académicos: ? Excmo. Sr. D. Xosé Luís Axeitos Agrelo ? Excmo. Sr. D. Xosé Neira Vilas ? Excmo. Sr. D. Xesús Alonso Montero ? Pechou o acto o Excmo. Sr. Presidente da Real Academia Galega, D. Xosé Ramón Barreiro Fernández SECCIÓNS DA REAL ACADEMIA GALEGA I. Sección de Lingua: componse dos seguintes seminarios: ? Seminario de Lexicografía creado en 1983. Director: D. Manuel González González. Financiamento: Consellería de Educación e Ordenación Universitaria da Xunta de Galicia. Traballos desenvoltos: 1. Publicación do Dicionario castelángalego da Real Academia Galega, editado pola Fundación Pedro Barrié de la Maza. Este dicionario foi presentado publicamente en Vigo, na sede da Fundación Barrié, o día 15 de novembro. 2. Continuáronse os traballos para a nova edición do Dicionario da Real Academia Galega: a) Realizouse a redacción de 6700 novas entradas, correspondentes na súa maioría ás letras A, B e C, que quedaban pendentes de redacción, así como algunhas outras entradas dificultosas correspondentes a varias letras do alfabeto. b) Continuouse coa reelaboración da microestrutura das entradas que necesitaban unha revisión, redistribuíndo as súas acepcións. c) Incrementouse dunha maneira significativa o número de novas acepcións nos artigos que figuraban xa na edición anterior, para lograr un equilibrio desexable entre extensión do léxico e profundidade no seu tratamento. d) Actualizouse, en función das novas entradas, a indicación de sinónimos, antónimos e formas relacionadas entre si dentro do corpo do dicionario. ? Seminario de Sociolingüística creado en 1990. Director: D. Manuel González González. Financiamento: Consellería de Educación e Ordenación Universitaria da Xunta de Galicia. Traballos desenvoltos: 1. Proxectos de investigación Durante o ano 2005 o Seminario dedicou a súa actividade a desenvolver os proxectos: Avaliación das competencias bilingües ao final do ensino obrigatorio na Comunidade Autónoma de Galicia, e Revisión do mapa sociolingüístico de Galicia. a) Avaliación das competencias bilingües ao final do ensino obrigatorio na Comunidade Autónoma de Galicia
299
Nº 367