Estudos e investigacións sobre María Mariño
BOLETÍN DA REAL ACADEMIA GALEGA
pano letreaba? (130); ?Del hoxe non entendo nada / (...) / Hoxe non entendo nada? (169170); ?si algo oio non entendo? (177), etc. Na renuncia activa e voluntaria ó coñecemento atópase o camiño para a verdadeira comprensión, para que a cesación e filtración do universo a través do eu individual sexa perfecta e completa. Tratado logo o baleiramento da identidade e a filtración da Natureza, o Misterio ou o universo a través do baleiro creado no eu, podemos facer referencia tamén a algúns puntos relacionados coa non intencionalidade característica de todo proceso místico. Xa vimos no seu momento como a experiencia do inefable tiña a peculiaridade de escapar á vontade da voz poética e que se manifestaba de xeito caprichoso e aleatorio. Non obstante, é necesario ter en conta que a non intencionalidade tamén debe ser entendida como un proceso de preparación ou disposición do místico para recibir a mensaxe do universo. Neste sentido, é preciso referirnos ó concepto de retracción que realiza a voz poética, entendido como retirada da identidade propia ou anulación súa para dar lugar á creación en si; é dicir, trataríase de crear non a creación mesma, senón o espazo baleiro que lle vai dar cabida, de abrirse á recepción do misterio e, en definitiva, de aceptar a fusión en unidade co todo, na liña da mística de Isaac Luria, tal e como a explica José Ángel Valente (?Poesía y exilio?, 2004). Realmente representa unha vivencia do exilio31 que é propia e intrínseca á mística, posto que, como deducimos do dito, o místico sáese de si mesmo, renuncia á identidade individual, para entrar en contacto co absoluto. Tal experiencia da retracción que, non obstante, é positiva e aberta ó mundo, non de peche ou anulación da súa influencia, atopámola tamén na autora de Noia, nun caso tan significativo como o poema 19 de Verba que comenza: ?Encóllome para entrar de novo en ti, Mundo. / Acurrucada rógoche que deas altura á miña / cabida, / que flote en ti, que en ti se esparza, / e nas túas áas me acollas, / amplia e sinxela, e digas a berro limpo: // ¡Naceu de min!? (182). Por outra banda, Santa Teresa de Jesús denomina mediante o concepto de ?recollemento?, equivalente ó de ?quietude?, o que se corresponde na teoloxía mística coa oración de quietude infusa, aínda que tamén fala de oracións de recollemento de orixe non infusa e de oracións de recollemento interior como primeira fase da oración mística32. Tal recollemento vén equivaler á retracción ou encollemento que dá paso á percepción do mundo. Ademais da retracción, a non intencionalidade atópase relacionada coa actitude máis ascética do desposuimento, na liña dos atributos negativos, do pensamento da nada e do baleiro, posto que se trata non de engadir, senón de restar elementos de entre os que caracterizan o mundo e a poeta. O procedemento habitual é unha tendencia á desaparición do eu poético, despreocupado de si, polo predominio do todo, ou ben unha manifestación de desasimento, pobreza ou non propiedade. Os exemplos de desposuimento son bastante abundantes e atópanse sempre integrados na experiencia total da percepción mística. Algúns deles son os seguintes: ?¡Donos aires me levaron / i en can39 Nº 368