Estudos e investigacións sobre María Mariño
BOLETÍN DA REAL ACADEMIA GALEGA
No fondo, como xa propuxemos, tal diversificación da identidade, así como a confluencia das distintas formas da realidade na súa unidade esencial lévannos, no terreo ideolóxico, á situación de que a autora realiza unha anulación das categorías de carácter dialóxico nas que se funda o pensamento racionalista occidental. A realidade buscada, a transcendencia, está a medio camiño entre ditas categorías, nos espazos baleiros que as consideracións de carácter xeral non acadan a representar. Ben significativo do dito é a seguinte mención procedente de Palabra no tempo: ?Hoxe caeume o pano que a mirada me enturbaba. / Del quedoume sentir, entre o Non e a Esperanza? (130). Trátase, por suposto, da revelación posterior á cegueira dos sentidos, da que xa temos falado; a mesma atópase, en efecto, entre as categorías do non ser e do poder ser, representado este pola Esperanza. Case do mesmo xeito, no poema 28 de Verba que comenza lemos toda unha restra de conceptos antitéticos que se concilian, entre os que se atopan, de novo, os do si e o non: ?¿Como digo si si o non está escoitando?? (199). Tal sincretismo conceptual, de carácter rupturista en canto ó proceso de coñecemento, é un tópico tradicional asociado á linguaxe e ó pensamento místicos. Como simple curiosidade, o místico sufí hispanomusulmán do século XIII Ibn Arabí mantén o seguinte diálogo con Averroes:
(?) dirigiéndose hacia mí con grandes muestras de cariño y consideración, me abrazó y me dijo: ?Sí?. Yo le respondí: ?Sí?. Esta respuesta aumentó su alegría, al ver que yo le había comprendido; pero dándome yo, a seguida, cuenta de la causa de su alegría, añadí: ?No?. Entonces Averroes se entristeció, demudóse su color, y comenzando a dudar de la verdad de su propia doctrina, me preguntó: ?¿Cómo, pues, encontráis vosotros resuelto el problema, mediante la iluminación y la inspiración divina? ¿Es acaso lo mismo que a nosotros nos enseña el razonamiento??. Yo le respondí: ?Sí y no. Entre el sí y el no, salen volando de sus materias los espíritus y de sus cuerpos las cervices?. Palideció Averroes, sobrecogido de terror, y sentándose comenzó a dar muestras de estupor, como si hubiese penetrado el sentido de mis alusiones.28
Ben é certo que tal emprego dialéctico e contraditorio de termos forma parte da tradición sapiencial e mística en moitos outros formatos, como pode ser, tamén, o do diálogo koan propio do budismo zen, no que un mestre propón un problema intelectual ilóxico ó seu alumno, coa peculiaridade de que é insolventable mediante un proceso de razoamento e incomprensible nun sentido literal. O obxectivo é a suspensión do pensamento racional mediante a súa dislocación e a busca dunha solución involuntaria e intuitiva, que dea conta da capacidade de percepción do alumno. Por outra banda, os paradoxos característicos da mística occidental non son outra cousa que unha concreción de dito procedemento de estrañamento da razón29. Este procedemento é, en realidade, unha actitude xeneralizada e non se limita ó xa visto. Victoria Sanjurjo Fernández fala da vivencia do tempo metafísico na de Noia, apoiándose na fenomenoloxía do tempo de Heidegger, supoñendo que Mariño experimenta esa vivencia como unha suspensión do fluír temporal ou, por ser máis precisos, como unha confluencia do ter sido e da presentación, do pasado e do presente. Estamos,
37 Nº 368